السلام عليكم ورحمة الله وبركاته
بيوتٍ واوردها على الجذْع سلطان=من رغبتي من فكرتي واجتهادي
يسري بها فكري مع الليل طربان=والجو ياسلطـان روعـه وهادي
جــوٍ يذكـــرني غناديــر لبنان=هن خلّن القلب المعنّا ينادي
غنيت طاروقي وجريت الالحان=ولااوحيت ابو نوره تولّع فؤادي
وعوّد عليّْ القلب جايع وضميان=والوصل مطلوبي وغاية مرادي
واليوم تكفى جيت لك ياكحيلان=جيتك وحالي حال غير اعتيادي
جيتك ونار الشوق في قلب الانسان=تعقّب الذلّه ونار الهجادي
وحنّا خلقنا الله على العز عتبان=مانقبل الذلّه نضد المعادي
