شـاب واسـم بـرز عـلـى مستوى الـساحـه الـشعريـه مـؤخـراً في ايـام وفـتـرة قـلـيـلـة
اثـبـت تـواجـده بـأبـداعـه وحـضـوره الـممـيـز كـحـضـور الـمميـزيـن عـادةً
هــذا الأنــســان الـذي اتـخذ مـياديـن الـمحـاورة او الـقلطـات حـســـب تسميـة بـعـض الـنـاس ، إلـى مـنـبـراً يـــدافـع فـيـه دون قـــبــيــلــتـه ويـهـاجـم مـن يـحـاول الـنيـل من هــذي الـقبيلـة الـعظيمـــة والكـبيـرة الـذي لـهـا امــتـداد فــــي دول الـخليـج ، بـل ودول الـــعـــرب جـميعـــاً
هـذا الـشـاعـر الـفـذ صاحـب الـقـوة الـبارعـة فـي نـظـم الـقـوافـــــي وتكوينهــــا والـذي لايـستغـرق بـضـع دقـايـق للـــــرد عـلـى الـشعـراء الآخـريــــن ، والـذي اثـبـت نـفـسـه فـي فـتـرة وجـيزة لا تــتـجــــــاوز الـسـنـتـين
..
..
..
إذن شـاعـرنا هـو ../ سـلـطـان ابـن صـاهـد ابـن فـدغـوش الـجلاوي مـن ذوي فـهيـد مـن الـشيابيـن ( سـهـم عـتـيـبـة )
نـشـأتـه : تـرعرع ونـشـأ فـي هـجـرة الـفـريـدة غـرب من حلبان وشرق من الخاصرة
عـمـره : 28سـنـة
مـن مـواليـد : 1400هــ
مـحـل سكنـه الآن : فـي الـدخـل ، ورى الـكبـري ، شـارع الـ100
بـدايـة دخـولـة إلـى ساحة المحاورة : أواخــر الـخمـس وعـشـريـن
بـدايـتـه بـالـشعـر : بـدأ بـالـنـظـم عـام 1416 هـ
بـعـض قـصـايـده : ـ
قـصـيـدة مـن بـدايـة سلطان في النظم قـالـهـا وهـو مـسافـر :
راكـب اللي كل مامني عطيتـه = قام يسبح مثل من في البحر عايم
وارد النيسان لامني نويتـــــــه = يـسـبق اللـي في علو الجو حايـم
مـجلسن تحت المكيف ما اهتنيته = ضـاريـن راسي على لفح السمايم
كـم غبشت وكم ليلن ســريتـه = عـن دورة الـمرجلـــــة ماني بنايم
يـوم ولد الـلاش دايـم حـدر بيته = مـجلسه معروف مع غبر اللثايــم
ميــر يا فيحـــان علم ان لقيتــه = والله اني ما ارتجي فزعـة هلايـم
والصلاة ختام والمصحف قريته = والـسـعـد قـدامنـا والحظ قايـــــم
قـصيـدتـه في ابو ( صـاهـد ) اللـه يحفظه :
كـان يا منصور ابوك الصبح هاوي = للـمراح ولا يردنه ظروفــــــه
قله اني مع صلاة الصبح نــــاوي = اعطي الفكسار لين اكتم بلوفه
وانا غدا للسير والمكره تعـــــاوي = ما على المشوار والطرقه حسوفه
ما نقيل غير في بيت الجـــــــلاوي = بيت عود مـــا تريح لين اشوفــه
شوف ابويه مايجيلي بالمنــــــاوي = شوف من يفرح لياكثـروا ضيوفه
ودي اســلم على الحر النـــــداوي = واتعــذر منــه واقبـــل كفــوفـــه
لي شـهر وانا على شـوفه شفاوي = بس وقتي ويش اسوي في صدوفه
كل ما ينحيبي الوقت الـنـــحــــاوي = اتحرى ساعتــن فيهـا نكوفــــــه
يم ابوي ويم مخلفة الهقــــــــــاوي = البكار اللي لهن نفسي شغوفه
ما حلى قدامهن جـــــــر الغناوي = لا اتزح برق الحيا والزم قدوفـــــه
ما قهرناها على الوادي السناوي = في اول الوسمي وفي مقدم صيوفه
الربيع ادنـــــى المرابيع الصداوي = والعقوم اللي على الحد معروفــه
قـصيـدتـه الـغـزليـة ( نـجـل الـعيــون ) الـشهيـــره
هـيه يا نجل العيون اللي على طاريها = تستريح هجوس قلبي ويتريح بالي
هيه يا اللي ما اهتني وارتاح لين اطريها = هيه يا الي كثر ما احبه معذب حالي
لاتحسبني على حبك مسوين فيها = والله انك عندي اغلةى من جميع آمالي
انتي شمعة حبي اللي مستحيل اطفيها = كيف ابطفيها وانا محتاج لنور اقبالي
انتي عندي نور هالدنيـا وبعد ما فيها = والله لتبطي يا غالي وانت عندي غالي
صوتك ونظرات صوتك مسمعي يوحيها = ما تقول الا مكلمنــي على جوالـي
وان رقدت الليل جيت وجيتك نشريها = حتى لو هي حلم ابشريها وبرخص مالي
يعني افهم راح سلطان الجلاوي فيهــا = لكن ألحق قبل ارمي غترتي وعقالي
وقبل اقول السبة اللي لا صـدف طـاريها = تستريح هجوس قلبي ويتريح بالي
قـصيدتـه في الـجيب :
انا ما شريت الجيـــــب يابو فهد مجان = انا شريتيله كان تجهل سبايبها
ابي الصبح لا قالو على الحد يا فيحان = بـروق تـشادح في مقادم سحايبها
نـبـاري الـملحــا لامشــت تعبث الذرعان = وخطرن من الملزم تمزه جنايبها
شهاب الخدود اللي تطاولبها اللحيان = قصار الفقار اللي طوالن غواربها
شهـاف البكار اللي ليا طوّل الميدان = ليا طوّل الميدان والليل حاظبها
علي الحرام اني لطوعبها الفدقان = عشان غالي ينتبه من عواقبها
بعد ثالث الأعياد في راي ابو سلطان = نباها تحدر بعد كفت مزاهبها
وعقب عاشر الأعياد بسم الله الرحمن = تهارفو للصمان والصلب عاقبها
وجو ثلاث ايام وتعقــل الحيــــران = على الحد لابو ديرتن ما تليق ابها
وهذا هو بالي وشفي مع الجذعان = ولبو لحيتن ما تحتميها شواربها
وهـذا غـيـض مـن فـيـض لـبـو صـاهــد ..
[ مـودتــي .. وتـقـديـري ..// الــقــرم .., ]آخر تعديل الـــقـــرم يوم 19-Jul-2007 في 06:26 PM.