[الازوري]

يا الغلا تكفين شوفي لك زمان وكلميني=يا الغلا تكفين شوفي لك مكان وبنتواجه
يا الغلا تكفين والله طولت لا تحرجيني=يا الغلا تكفين لي حاجه ولك عشرين حاجه
عقب ما كانت يدينك يا حبيبي في يديني=ساع ما كنا على صافيه ما نقرب هماجه
عقب ما كانت على طول الدهر عينك بعيني=يوم كل(ن) لا تذكر صاحبه عدّل مزاجه
والعشيه لك سنه والقلب عيّا لا يليني=نعنبو درب الهوى يا فلان عند الله خراجه
ما بقى غير اصدح الونات واقول ارحميني=نعنبو حيك ليا زاد العنى يصبح سماجه
اذكر اللي ما يبات الليل غادي له ونيني=وانت عارف ويش هو طبه وتعرف وش علاجه
اذكره يا ورد ما ادري فل ما ادري ياسميني=لا يزيد من الهوى في تالي الوقت انعواجه
ما تيّسر واحد(ن) ضد الليالي والسنيني=ولا توفق واحد(ن) قدّم على الوقت احتجاجه