الفالح:
ابن جودان سا مع لي علومٍ عنه ما تنقـال=علومٍ ثابته وموثقـه بالصـوت والصـوره
وانا ما كنت اصدّق فيك مرّه يا عريب الخال=واثرك اتطرّد الكوره مع اللي يطرّد الكـوره
عبد العزيز ابن جودان:
الا يامشرف العتبان لا تسمع لقيل وقال=ترى العربان يارجال منهيه ومامـوره
ترى كلمتك هذي تنحسب عليك يارجال=وانا مابيك تاخذلك مع الغاوين كم دوره
الفالح:
تبانا نكشـف الاحـوال ولا نستـر الاحـوال=ترى احسن لك نخلّ الوضع والاحوال مستوره
تقوله مار ما تمشي علينـا حيلـة المحتـال=تبرّا من تداول سوق الاسهم وانت هامـوره
عبد العزيز ابن جودان:
اذا عندك كلامن زين هاته ياوسيع البال=وانا ودي بادله منك مسموعه ومنظـوره
انا ماخذت منكم يارجال العرف لو اريال=غنيٍ عن حلالك يامعمر قايـد الثـوره
الله الله الله الله متاااابعين لكم يااكبااار..
وصحت السنتكم.. 