[زبن القاضي]

السلام عليكم

موقف لاكثر ولا اقل

أمس الفجر طفشان قلت اباتمشى للبحر=وانا ماحبه بس كل الناس بالبحر تحكي
لابس شماغ وثوب ومشخص وانا كلي فخر= ومضبط عقالي على راسي واحسب اني ذكي
جيت البحر واليا الوحيد انا بثوبي فالبشر=واسمي زبن واللي عليه أما لؤي ولازكي
واللبس جنز وشرت والقبوع وجهه لضهر=ولاتسمع الا الصجه وناس ٍ مغير الها عركي
وجلسة اطالع شفت واحد جالس ٍ على حجر=ويده على خده وغيره ياخذ الارض دبكي
جيته وقلت انته علامك جعل ماصابك قدر= وقعد يطالع في فمه تقول موكين وكي
وحاولت فيه وقلت اباساعدك وابشر بالنصر=قال الهموم أكثار وانا للبحر جيت اشتكي
واطالعت يم البحر وليا الموج يصفق ويهدر=وقلت البحر يفهم كلامك قال بيبي وش بكي
قلت ايش بيبي قال كلمة ياحبيبي مختصر=وجات البداوه كلها ماعاد فالموقف حكي
قلت العن الله من ذخرك وطس يالوجه الودر= ومشيت من عنده وهو على حصاته متكي
وتوبه ماعاد أجيك يابحر العبر وقت الفجر=ولاعاد اعارض من عليك هموم قلبه يشتكي

آخر تعديل زبن القاضي يوم 30-Jun-2007 في 09:39 AM.