[ابوبجاد الرويس]

مشكور اخوي العدواني

وبيض الله وجهكـ وصح لسانكـ يالغاالي

واسمحلي انسق القصيدة

ياليتنـي ورعـن عليـه الزهاميـل=
يصرخ يجر الصوت بالصوت لاجاع =
لا صار جدي سيـد كـل الرجاجيـل=
تخضع له صدور المجالس و الأسماع=
عون الدخيل أليا قصتـه المحابيـل=
ريف الضعيف اللي من الوقت منلاع=
راع الوقيدة و النجـر تالـي الليـل=
من مرقبن يربا علـى راس مطـلاع =
و أبوي ميزاني عن النقص والميـل=
هذا وأنا يمناه فـي كـل الأوضـاع=
كلـن يجـاري والـده بالتماثـيـل=
و أنا مثيلـي بالعطـا مشبـره بـاع =
ما يرخص البن اليماني مـع الهيـل=
مادام فينـا منـوة البيـض هـزاع =
و أعمامن أخوالن بهم شـدة الحيـل=
هم لابتي لامـن دعـا للخطـر داع =
هم عزوتي دون السنيـن المهازيـل=
أرفا بهم ضيم الليالـي و الأوجـاع =
من قبلهم راحـوا هـل الفطرالحيـل=
هـل السلـوم الأولـه صيتهـا ذاع =
لطامـة العايـل و نطاحـة الخـيـل=
نقوة بني عدوان ذربيـن الأطبـاع =
كم حايلـن راحـوا بدلهـا حلاحيـل=
مـا أرخصوهـا للمعاديـن شـراع =
يا عزتي يا طيـب فعـل الرياجيـل=
يوم العرب مابيـن نايـر و فـزاع =
صاح الصياح و جاوب الصوت تهليل=
اللي فزع و اللـي تـدرع بـالأدراع =
صاحوا عليها و أنتخوا يالمهاشيـل=
من دونكم عطف الحنايا و الأطمـاع=
عند الوعد طـارت طيـور الأبابيـل=
من سباقات الريح هن غلث الأسباع=
من وقعهن ثـارت عليهـم مظاليـل=
و الهنـد بيديـن المناعيـر لمـاع =
والله مـا يشفـى قلـوب المغاليـل=
غير الهنادى شذرها الموس قطـاع =
ساعة خذوهم خمـة العـود بالسيـل=
نارت مهاليع السرايـا علـى سـاع =
اللي يخم القرش يخطيـه و يشيـل=
واللي يجاحد طعنته بيـن الأضـلاع =
حدوا و ردوا و أخطمـوا للمجافيـل=
و اقفوا يسوقون الغنايم مـع القـاع =
يا عزتي يا طيـب فعـل الرياجيـل=
يوم العرب مابيـن نايـر و فـزاع =
هذي سوات اللي حسـب للمجابيـل=
محدن يطول الطايلـة كـود بـذراع=
أجدادنـا هـم نورنـا و القنـاديـل=
شمس و تجلت في سما المجد بشعاع =
هم سطروا من طيب الأفعال تسجيـل=
في دفتر التاريخ مـن كـل الأنـواع =
و حنا بثرهم نتبـع الجيـل بالجيـل=
نغرس وصات الدين للطيـب أتبـاع =
قلته و لافي مـدح الأجـواد تهويـل=
لاني علـى نيـة و لانـي بخـداع =
لكن ينازعني علـى مدحهـم حيـل=
قلبـن حدانـي للأجاويـد نــزاع =
و صلاة ربي مع هطـول الهماليـل=
تسقـى نبـي للمخاليـق شـفـاع =
بعداد ما لاح الجدي في رجا سهيـل=
و عداد ما نسنس من الشرق ذعذاع=
يا ليتني ورعـن عليـه الزهاميـل=
يصرخ يجر الصوت بالصوت لاجاع =
لاصار جدي سيـد كـل الرجاجيـل=
و أبـوي دون الرجاجيـل هــزاع=