سلام الله على الهيلاء عتيبه مزبن المضهود=صناديداّ يدوسون الخطر روقي وبرقاوي
رجالاّ مالهم عيش ومكان الا سنام الجود=مفاخرهم على طول الدهر يروي بها الراوي
نزلنا نجد يوماّ القبايل طارد ومطرود=بوقت عالمه ماهي بلا ترحم ولا تاوي
نسوق الظين والمظهور والخيل وبنات القود=مسيرتنا سويه يمشي الوباّل والشاوي
ويامنا نزلنا في ديار اهل الديار نسود=عليهم مثل نجماّ من سماه المعتلي هاوي
كلاماّ خابرينه ماعلى وجه الحقيقه زود=تسوق الناّ شيوخ القوم شات الحلف وتخاوي
ويوم الله كتب عز البلاد وحقق المقصود=وماتت في الجزيره قصه المردود والحاوي
حملنا مع مداغيش القبايل رايه ابن اسعود=انصبح مع صباحه وان ضوى نضوي مع الضاوي
لا والله ماتفرقنا ولاكنا نخون عهود=ولا منا قليل العرف والمثبور والغاوي
منول من يكون اللي يفرق راينا المعقود=اليا منا فتلنا الري يعوي دونه العاوي
وكلنّ يدري ان التفرقه وسلوبها منقود=وعقل الي سعى بالتفرقا بين العرب خاوي
وانا انادي بجمع الصف وابذل دونه المجهود=واقول الي جرح من غير يدري بكره يداوي
ياربعي ياحزامي ياذرايا عن هبوب النود=انا في موقفاّ يحتاجني روقي وبرقاوي
آخر تعديل الصريح العتيبي يوم 24-Jun-2007 في 09:24 PM.