[بناخي ابو مشعاب]

اثر الهوا عذب قلوب الرجاجيل $$$ ونوخ اركاب اللي بعيده ركـــــــــابه

عز الله اني مانويت اسرج الخيل $$$ لكن في الخاطر هموم وكــــــــــآبه

ياليتني يو مابرهه جاء على الفيل $$$ كنت العذاب اللي يجي من سحابه

ولا يبو عسكور طير(ن) أبابيـل $$$ الين يكره ليله اللي ســــــــــــرابــــه

ولا مع احفاد الرجال المشاكيل $$$ ولا صحيب(ن)للنبي والصــــــــــــحابه

أعيش في وقت العنا والغرابيل $$$ واطيب رجل رجال كشخه ثــــــــــيابه

الفقر للي للنشاما مداهيل $$$ ولا الغنــا للي محد قد هــــــــــــقـــــــــابه

بالله وين مرتل الذكر ترتيل $$$ هذا زمان اهل الغنا والصـــــــــباـــــــــبه

وكاله يقولون والقال والقيل $$$ غطت على قوم الكرم والذراــــــــــــــبه

لكن ياقلبي عساها تساهيل $$$ ماعذبك غير الهوا والكتابــــــــــــــــــه

تسهر تسامر نجمة الليل يسهـيل $$$ مير الجدي يبغي في الأسهم نصابه

لكن ياراعي الحكي والأقاويل $$$ ياللي مع العربان توخذ نهابـــــــــــه

اليا حظرنا نرجح الوزن والكيل $$$ واللي نهجده وآهجاد وعذاــــــــــبه

نسواننا بهن تزيين المراييل $$$ واطفالنا ترضع كرم مع مهابــــــــــــــه

ونقهوي الضيفان بالبن والهيل $$$ ونزبن العاني ونحمي جنابــــــــــه

في فتح مكه الف فارس على الخيل $$$ مع النبي نمشي ونهج الصحابه

هذا اختصار العلم ولا التهاويل $$$ سحابه من المهد لأقصى اللهابــــــــه

هذا نتاج الراس مدري البهاذيل $$$ ما هو كلام مروجين العصابــــــــــــه


واتمنى ان تنال كلماتي تلك اعجابكم .. فردودكم محل اهتمامي .. والنقد قبل المدح ...
ولكم تحياتي
أخوكم
بناخي ابو مشعاب