اخواني بعد غياب طويل وتقصير كثير
اقبلوني كما انا بينكم من جديد
.
مولود في حلمٍ وابا اموت في حلم=هذي حياتي باختصار ورويه
مايوم عشت الوقت ياصاح في علم=ولو عشت علم الوقت صرت الضحيه
قصه غريبه كنها سالفة فلم=كتبتها لاهل العقول الذكيه
فيها كفاح وحرب واحسان مع سلم=وفيها نعاره واليماني سطيه
وفيها مزوح وجد مع حق مع ظلم=وفيها مشاعر حب صدق وعذيه
ماني على طرد المقفين والزلم=حريص لا والله نفسي عليه
وإن جات زلة صاحبٍ في صفة حلم=اصبر واعديها ولوهي قويه
وجيه الليالي في زماني غدت دلم=مصايبٍ فالراس صقع ابرديه
وحظوظنا راحت مع احلامنا بلم=مدري غدت مثل الكرامه رديه
وهذا وانا بعيش واموت في حلم=مادام صارت كل الارياء غبيه
.