[أبو زيد]

صح لسانك يابدر.. ولاهنت
قصيدة جزله ورائعة..

والله إن ماجد والعلوات كلهم يستاهلون أكثر من ذلك...

وأنا شخصيا خاويت أخوه تركي بن شجعان أثناء الدراسة في الخارج وكان من أطيب الرجال اللي خاويناهم وتعرفنا عليهم (أدب ودين وأخلاق وكرم ومرجلة وعلم غانم)... وشاهدتي في أبو شجعان مجروحة لأني أعتبره أخ عزيز ومن الروح وفيها...
لكني ماتعرفت عليه ألا على آخر الأيام قبل إنتهاء دراستي بحوالي الأربع أشهر... فقلت حينها في قصيدة طويله:
واكتب الله قبل أغادر شفت طير ## انفرد بالمسك والطيب أجمعه
الأمير بن الأمير بن الأمير ## حر(ن) أشقر فالبعايد مرمعه
من عيال أبا العلا تركي جدير ## بالمراجل والمراجل تتبعه
ياولد شجعان يالنجم المغير ## لو تبا روحي تجي لك مشرعه
الجمل من دون ربعه له هدير ### والمخالف بالحقايق نقنعه

وسلامتكم

وتحياتي مرة أخرى لك أخوي بدر المقاطي