ابوتركي عدى بروس المراقيب0
من مبطين ماهوب توه رقابه0
من عصر ابوة وجد جده معاطيب0
فروخن نداويه وفهودن ذيابه0
اهل الوفا والطيب واهل المواجيب0
دواسرن لهم في هامة المجد لاابه0
واخص منهم راس عطب المضاريب0
حمد ابن بطي له قدر ومهابه0
سبعن ولد سبعن وذيبن ولد ذيب0
ماحدن تهقوابه ولاحدن هقابه0
بوقت الرخا ابشر بطيب المشاريب0
واما الشدايد ظلاعنا والذرابه0
ماهو من ابطال الخدع والانابيب0
اللي اليا احتكت تجلى سرابه0
ابطينن يقلب متى شاء ويغيب0
لامن حضر او غاب ماحدن درابه0
ابوتركي لاغاب جتك المناديب0
تسأل عسى ماشر طول غيابه0
والله لو تسأل يمينه عن الطيب0
تقول ان الطيب حضرت جنابه0
تقول نبع الجود يعبا من الشيب0
تقول انه والشهامه نسابه0
تقول انه والشجاعه معازيب0
تقول انه سيف كسر نصابه0
الشاعر غراف بن محمد العتيبي