[سعود العصيمي]

سلطان الجذع=
يالعضياني حزامي فالمواقف صلب جـدي=هب هباب العناد ,,وولعت نـار التحـدي
قدمك المطران قدمك مانبا واحـد يعـدي=وان بغيت الصدق مايبني البيوت الا عمدها

مال المطيري ياعتيبه عندنا غار الهجاد=في حاضر الايام والا في قديـم ليالهـا

الفالح=
ابشر ابشر يالعتيبي بالفعول اللي تسرّك= تعرف طبوع المطيري كلبوها ما تغرّك
المطيري تحت حدّ السيف وش لون يتحرّك=وان بغيت الصدق ما يبن البيوت الاّ عمدها

مال المطيري عندنا غير المصاقيل الحداد=ومطير تدري من هم عتيبه وكيف افعالها

النادر=
كان راحت للعزاوى لى ولد عـم اعتزيبـه=الزم الفالح يافايز والجذع حاضـر طبيبـه
ياعتيبه ذبحكم عادى ماهو حاجـه غريبـه=وان بقيت الصدق ماشال البيوت الا عمدها

نار العتيبى لاوقفنا ياعرب صـارت رمـاد=شكره على حدب السيوف اللى يروع سلالها

رجم النايف=
الجذع يسرف به النادر وانا ذالليل ابسرف=فيك يالفالح واصير بمنتدى العتبان مشرف
والله ان الفرق واضح مير خلق الله تحرف=وان بغيت الصدق مايبن البيوت الا عمدها

اليوم يالروقه نباكم تظهرون من البلاد=تحرم علاكم داركم باشعابها وجبالها

سلطان الجذع=
أنت تال الوقـت بجـدودك وبفعولـك تفاخـر=لاتطاول ياطويل العمـر الاول وانـت الاخـر
أبك ,,فعلك ,,نقطه(ن)مع بحر من المجد زاخر=وان بغيت الصدق مايبني البيـوت الا عمدهـا

لبسك وقت العافيه والخير بثياب جداد=وأنت السنين اللي تعدت حالتك يرثالها

الفالح=
لا تخلّي من جهـودك لا كثيـر ولا بليّـه=النهايه نذبح النادر علـى النايـف خويّـه
عارفٍ سنّ الرباع وعارفٍ سـنّ الثنيـه=وان بغيت الصدق ما يبن البيوت الا عمدها

لو تزمر المطران يا سلطان قلّي ويش عاد=هي كيف تزمر والعتيبي شاربٍ فنجالهـا

النادر=
ابك انا والله يشرفنـى ليـا قالـوا مطيـرى=يوم سلطان الجذع ماله طريـق ولا مسيـرى
قالوا انه من ورى عرعر ورى ديار السديرى=وان بقيت الصدق ماشال البيـوت الاعمدهـا

لاتنفخ البرطم علينا وانت من عرعر وغـاد=انتـه مـن ديـارن بعيـده ماحـلا منزالهـا

رجم النايف=
ليه احث النفس معك وعظم ساقي ليه احثه=منك والله مايجيني لاعذاب ولا مغثه
انت ياراس الجراده يذبحك لو عود رمثه=وان بغيت الصدق مايبن البيوت الا عمدها

العلم بخشوم البنادق والاصابع والزناد=ياشارب الفنجال نتفت لحيتك وسبالها

سلطان الجذع=
يفتخر بمطير لو مطيـر ماتفخـر بمثلـه=ياوليد اللي بيور ولايظـم الـورع حثلـه
مير ليت مطير ردوا نادر الاوصاف لاهله=وان بغيت الصدق مايبني البيوت الا عمدها

قدام لايطلع علاها الصبح بثياب الحداد=ساير عتيبه يالمطيري لاتضيق بالهـا

الفالح=
الجراده مثلك اللي في لهيـب النـار يشـوا=ابن عمّك ما هو اشوا منك وانته ما انته اشوا

تكرم لحى ربعى عتيبه بيض ما فيها سواد=ومطير ما تكرم شنابات ودقـون انذالهـا

النادر=
احمدالله مادخلنى مع ربوعى شك ريبه=والجذع وجه غضيب مخلفه ناس ن غضيبه
ياوليد الشام قلى وش يدخلك بعتيبه=ان بقيت الصدق ماشال البيوت الاعمدها

يحليل سلطان الجذع يبا ينادى بالجهاد=قام يتحدا له رياجيل ن كرام سبالها

رجم النايف=
هب ياهاللي يعرف الشعر من نقضه وفتله=يحسبنه فالبلد نادر ولابه شخص مثله
نوب اصلي فيه شرق ونوب اصلي فيه قبله=وان بغيت الصدق مايبن البيوت الا عمدها

لحيتك بيضا من كثر تسثح الرماد من العباد=كل العرب تجمع لك الهبوه وفالك فالها

سلطان الجذع=
لايغرك لايغرك يـوم فالاسمـاء تشابـه=وانت بيت مطير وازي من ذراه ليا زهابه
عقب مابار بك بيت للعرب مفتووووح بابه=وان بغيت الصدق مايبني البيوت الا عمدها

قدمك خصوم ساعه الوقفه تسود ولاتساد=مجهزه لاجلك حمول الجور مير اشتالها

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.