[كبتن عتيبه]

ملخص المحاوره


مرزوق العتيبي...مساء الخيرااات

على مرزوق معنى ياعتيبه كنّه الاعصار=يبى يجتاح مرزوق ويشيله شيل بالمرّه!!
لقيته مع بني مُرّه وباني في ديرهم دار= ماباقي غير يذبح شاه ويغارم بني مُرّه!!

يبا ربي يسلمنا دهات الشاعر المكار =ورى كبتن عتيبه يوم جاه العلم ماصره؟
بني مره تراهم من رجال المعرفه والكار = وانا اشوفك تدير اللي علاه اعيون محمرّه

الله الله

تراني ناصحك ومعلمك يمكن ثمان أمرار=ولا فادت نصايحنا معك مرّه ورى مرّه!!
تحرّص يامدير البنك قبل اتطلّع الدولار=ترى ماكل مرّه ياالعتيبي تسلم الجرَّه!!

..

طيب طيب

وانا من عادتي ماسمع نصيحة واحد ٍ غدار = ولا عمره يفرق بين طعم الحلو والمرّه
ياكبتنا الخطير اللي على دربك يثور اغبار = يثور اغبار ولا مايثور اعرفك بالجره

طيب طيب

بعيد الغدر عنّا ..وبّك حنّا محكمين الشار=وابا اقول لك حكمه من دماغي جات مفترّه!!
ياويلك من جحا لا حط اله في منزلك مسمار=مايطلع منّه لو برجوله الثنتين تجترّه!!

...
الله الله ....

انا اخصك بهرجي ماقصدت اللي لهم مقدار = ولا عبرت في هرج ٍ تجيني به على غرّه
يخوفك الزمان اللي على كل البشر دوار = ومن قصده يعاندنا علانا اهون من الذّره

الله الله

ترى ماجاك منّي غير علم الطيب لا تحتار=وانا خابرك شاعر تعرف الفرّه من الكرّه!!
تجاهلت اليمين ورحت فالسكه يسار يسار=وضاقوا فوقك أهل نجد من ضيقة هل الحرَّه!!

..
.
ياسلام ياسلام ..
هااستلم ...

انا مدري وراك اتحط من كل الصغار اكبار = وتسبدك ياوسيع المعرفه بلحيل محتره
مادامك تعشق الصحرا ..ماردك مع طريق القار =ولكن مع طريق الخرج ماتدخل على البرّه

مرزوق العتيبي...مساء الخيرااات

على مرزوق معنى ياعتيبه كنّه الاعصار=يبى يجتاح مرزوق ويشيله شيل بالمرّه!!
لقيته مع بني مُرّه وباني في ديرهم دار= ماباقي غير يذبح شاه ويغارم بني مُرّه!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

آخر تعديل كبتن عتيبه يوم 08-Jun-2007 في 07:58 AM.