انا الليله نويت اذبح عقيرب جات للعربان
ابكسر شوكة العقرب واهندب في تلاحيني
ابا اسوقك وابا اقودك تركد واصلك قبلان
وواحد من عتيبه فالمواقف عـن ملاينـي
اقوله والعرب تشهد واظنك تعرف البرهان
لكن انته علامك مخلفن بعض العناوينـي
اظنك ماعرفته لا تعلى فوق بنت حصـان
تراه الشايب اللي يندعي به فـالميادينـي
امان الله وعهد الله تبوقه دايم المطـران
ياناسي تذكر الحربي ينادي لا تخلينـي
ياماشاالله تزور فالسوالف وانته الخسران
وسكاكينك تعود لك كما فعلي من سنيني
نمشيهـا عليكـم ليـن احدركـم مـع الوديـان
على اسمك صرت يالناسي نسيت الزين والشيني
فعولـك ماعرفناهـا ونـارك كلهـا دخــان
متى صار الفعل ياامطير قالـوا عـام الالفينـي
لو انك منت هايبنا ماجبـت مظيـم ياوطبـان
تعـزوى بالقبايـل واصتدمتـوا فالضلاعينـي
بعد كيه ورى كيه بقا ضربه علـى الحجّـان
لجل تمشي على المله غصب يا اسحاق رابيني
فقير ٍ ياخذ ويعطي ولا شخص ٍ شرى دكان
شرى الدكان بالدينه وفلّـس بعـد يومينـي
تبا الفكه ماممن فكه تسنن واطلب الرحمان
ترانا يالمطيري نظهر اجنـون المجانينـي
لو ان المشاركه متاخره بس لازم اشارك
صح لسانك مليون يا قبلان وانا اسجل اعجابي الشديد فيك وانا اشهد انك زدت حطبها
وكذلك صح لسان الناسي شاعر متمكن وحياه الله بيننا
وتقبلو مني الاحترام والتقدير