ابوزيد
هلا يا مرحبا ترحيبة يطرب لها الحضار
تراحيب الوفاء والطيبة من حظ راعيها
ألا يا سليم جنبتو عن الجنة تبون النار
وهذي مشكلة والنار تحرق رجل واطيها
ابوفيصل
عساكم للبقى ياعتيبة الجمهـور والشعـار
عتيبه من قديم الوقـت تاخذهـا وتعطيهـا
دروب اسليم دايم في اليمين ولا تروح يسار
على الدرب الصحيح اللى على الجنة يوديها
ابوزيد
عتيبة من قديم الوقت لا تبلش ولا تحتار
ولا جينا سليم القوم نزهمها بأساميهـا
منول مار هالحينه حدتهم حيـةٍ فالغـار
يموت سمها والناس تـزري لا تذكيهـا
ابوفيصل
انا ماقول فيكم كل أبوكم في اللزوم خيار
لكـن ايامنـا وليالهـا كثـرت بلاويهـا
تجمعتوا وشرهتوا منول في علوم اكبار
وجتك الحاجة اللى يالغبيوي منت حاسيها