العوني حياك الله
تشرف مطير بذبح الشيوخ اللى تعده واللى مبالغ في عددهم
مع العلم اني مستعد اعد لك من شيوخكم ذابحينهم فرسان عتيبه
لكن ابنشدك نص الدوشان من قرأ عليهم السلام !!!!!!!!!!
جب لي يا العوني كون واحد فيه انتصار لمطير بدون تحالف هل هو روعه او عدم الوثوق في انفسكم ابي تفسير ؟؟؟؟؟؟؟
علماً ان سبب كثرة هذي التحالفات ضد عتيـــبه ,,
1- ظهور قوة عتيبه في نجد بعد نزولها,,
2-لان عتيـــبه معروفه بكثرة فرسانها ,,
3- ان كل فخذ قام يغزي وياخذ لحاله ,,
المستوي كبرته قصيدة حنيف بن سعيدان
الى قيل وين مطير واخفن الارمـاس
بالصلـب بيـن محقبـة واللهابــه
كزولهم من غـب الامطـار عسـاس
وتباشـروا بالصلـب كثـرة شرابـه
وتقودوا فرسانهـم قحـص الافـراس
وحطـوا جنيـح شـدة مـن حرابـه
يتلون أبن سلطـان قطـاع الارمـاس
دينـن علـى ولـد الدويـش وفابـه
يقدا جمـوع كنهـا نـاب الاطعـاس
وصم الحوافـر مـا عرفنـا حسابـه
أسم على جسم وجـد علـى سـاس
وفعل قديـم مـن عصـور الصحابـه
يا شيخنا مالـك حليـن مـع النـاس
كونك صباح وكـون غيـرك نهابـه
كونك كبير ومنـه الاجنـاب تقتـاس
الى واجـه الطرقـي الاخـر حكابـه
مثـل نهـار يـوم الاريـاق يبـاس
من ذاق ضرب أيمانهـم مـا سعابـه
خلي على ضيانهـم حمـر الاكيـاس
بنن يحرق مـا هتنـوا فـي شرابـه
ما هو ردى في مقحمة كـل عرمـاس
لا شـك جوهـم خارقيـن المهـابـه
ومهارهم في غبـة الكـون غطـاس
ويمانهـم ترمـي العـشـا للذيـابـه
لباسـة الماهـود والـدرع والطـاس
ومصقـل تدنـى المنـايـا ذبـابـه
يجلي عن الكبد الصداء سلـه المـاس
يـوم تقطـع بالرضيـمـة ضبـابـه
من ضرب علوى خيلهم تمرس امراس
امـراس صيـد مقتفيـنـه ذيـابـه
ماعفتوهـن عنـد زينـات الاجنـاس
وعند البكـار اللـي لهـن أنحطابـه
عدونا يصبر علـى كسـرت البـاس
وصديقنـا يـفـت قــز الحـرابـه
وهذا رد سلطان المريبيض
ليا جاك طرقي العتيبي بعـد يـاس
ينشد عن العتبـان صفـوة شبابـه
ماعدك يم الهضبة اللي بها ا رواس
اللـي يـرد بهـا الشعـرا جوابـه
لا جيت هاك الدار تلقى بها اونا س
مـا دبـش والا تواجـه عتـابـه
يتلون ابن هندي حمى قب الأفراس
لا قام ينخى و الرمك فـي انحطابـه
يثنـي جـواده للمتليـن نـكـاس
كم واحد من غرقـة المـوت جابـه
ويوم الرضيمة لهست ذيب الامراس
وحتيش يـاذود وخـذ لـه نهابـة
جازوه حمـران النواظـر بدبـاس
بـاس جمـع غـادي لـه ضبابـه
نوخ وظهر وانتشـل كـل عبـاس
جفير سيفه من شمالـه رمـى بـه
وردوا عليه موردة كل منساس
وتفا ولوا بحسين ذيب الذيابة
وقفوه ابن شوفان خلـي بـلا راس
محسن عليه التـرف شقـق ثيابـه
وبندر كسير وجنب البوش الاجناس
في غرس ابن عولة يذكر وزى به
فيصل بسيفه ضربته تشلخ الـراس
تناوشـه فاجـر ومكـن صـوابـه
وزبن على اللي تثني الذيل والراس
وفتح له العـسكر بعد صك بابـه
ابا الفراسه جاه فـراس الأفـراس
عصـاه ليـن انـه تقطـع عقابـه
بدل هديـره بالرغـى والتفحـاس
حـدر عـن المسنـاد يـم اللهابـه
دوشان ما فيهم من الـذ م وسـواس
مير العتيبـي هـس فيهـم بنابـه
فهذا نهب وغدر وماهو غريبه ( حافرة القليب خاينة الصحيب )
استغرب من قولك ((( ويا اخ القائد المجمعه مع بن سعود عتيبه اشترقوا معه قله فيها ولا تعد عتيبه فيها ومناخ عرجا ليس كون عرجا لانه غير فمطير انسحبت من البدايه لانها بين شبابه )))
قال الشيخ مرزوق بن وبصان شيخ الغنانيم من ذوي عطية من الروقة في كون المجمعة حينما قتل الفارس الشيخ حسين الجبعا الدويش :
خل الرمك تاطى على ابن الجبعا
لـو كـان خـيـال ودويــش
من عقبنا تمسي الضرايا شبعـا
والطيـر نرمـي لـه ولـيـش
وقال الشاعر نامي بن ثعلي العضياني في قصيدة طويلة في :
جازوك با للي فات ذ خر محصن
بالكـون الأول واوتلـم للثانـي
كون عليكـم غايـب شيطانـه
يا مرضعـة شبابـة الضيانـي
كلـه لعـام كونكـم بـا لملحـا
هـذا خـلاص الديـن للديانـي
وقال الملك عبد العزيز يخاطب فيصل الدويش بعد المعركة :
وش انت خابر يانفيش
المجمـعـة خليتـهـا
يومك تتقي بالعريـش
والشرف مـا فكيتهـا
من فعلنا قلبك خريش
والمرجلـة خليتـهـا
كلٍ يلومك يا ا لدويش
مـن ذ لـة ذ ليتهـا
ويقال انه دخل الفارس الشيخ فاجر بن شليويح مجلس الملك عبد العزيز وكان في المجلس مجموعة من شيوخ القبائل ومن ضمنهم الشيخ فيصل الدويش ، فرحب الملك بفاجر وأجلسه بجانبه وحول حديث المجلس إلى فاجر ، فقال الشيخ فيصل الدويش : من هذا الرجل اللي راحت له السوالف عــنــا ، فرد عليه الملك : هذا فاجر بن شليويح ، فقال الدويش : هذا فاجر بن شليويح العطاوي هذا اللي ما غــيــر دقن وعين ، فقال فاجر : نعـم واطلب من الله ان يجمعنا على ظهور الخيل حتى تشوف فــعــلي ، فقال الدويش : بـيــنــي وبـيــنــك الله
وفـي كــون المجمـعـة بـيـن المـلـك عـبـد العـزيـز ومعه عتيبة من جهة والدويش ومن معه مـن جهـة،وكـــان فــاجــر يــــردد هــــذه الــحــداه:
حمر[ن]مغذاة[ن] بزاد البيـت
وأذبح لها الشتوي من الحيران
ليا لبسوهـا للطـراد وجيـت
بنطح عليها سربـة الدوشـان
وابـا عليهـا كـل مانويـت
انطح بها فيصل ولد سلطـان
والله لا حط بخشمه الحلتيـت
بكره ليا جاء للرمـك ميـدان
وياما على تال الرمك عييـت
من فوق حمر[ن] كنها الشيهان
وسريت في عرجا وجحدت الحربي وتقول انها بين شبابه يالله با امانك من النكبات تامنى
ليت نايف حاضر دقلة جملنا .... حتى يخلي نجد بالقلب النظيف
رديفكم شلناه من عرجا لاهلنا .... الله اكبر يا مخلية الرديف
وتعرف نايف بن بصيص ولا بتجحده بعد ...