مرثيه في فقيد الوطن صاحب السمو الملكي الامير عبد المجيد بن عبد العزيز
عزي لمن سود الليالي دهنه=أمسى فرح وأصبح على فقد غالي
أمسى بعز وطيب عيش ومغنه=ليل من اعز ألليال الخوالي
وأصبح وقلبه يقرع أقراع شنه=من فقد أبو فيصل كريم السبالي
عبد المجيد أصل ألوفا والمحنه= يا لله يا والي على كل والي
ترحم حليف ألمرجله والمضنه= اللي مشى في منهجه بالعدالي
ومشاعري عقب البطا مستكنه =ومن عقب أبو فيصل حميد ألخصالي
أجاذب العبرات واجر ونه =كثير من يبكيه ماني لحالي
يبكيه من سود الليالي حدنه= على شراب المر عقب ألزلالي
ويبكيه من يعطيه من غير منه=يعطي كثير وفي العطا ما يبالي
يمناه للمحتاج فردوس جنه= كم شال عن شعبه حمول ثقالي
المجد والمعروف الطيب فنه=مرحوم أبو فيصل بعيد المدالي
وفي ضل عرشك ضل وجهه ودنه =يا رب ياللي في السماوات عالي
والموت يا فيصل على الناس سنه= وأنت العوض وأنت الصديق الموالي
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|