[سعودبن القهيديه]

بسم الله الرحمن الرحيم

اول شي اقدم اسفي على الانقطاع الطويل

بسبب الظروف الخارجه عن الاراده
.
.
.
واحب ان اقدم لكم هذه القصيده المتواضعه

بين ايديكم

يقول:

يابو بدر قلبي مـن الفكـر مشغـول=واصبحت من كثر التفاكيـر حايـر
على حبيب(ن) له غلا غير معقـول=مالـه شبيه(ن)بالنقـا والسـرايـر
غرون يصول بوسط الاشجان ويجول=وإن شفت زوله يصغـرن الكبايـر
متكمل(ن) بالطبع والزيـن والـزول=ومن روس قوم(ن)يشبعون الطوايـر
حبي لها بالحجم والعرض والطـول=حب الحدب لاشـاف عـج المغايـر
كم حاولوا حسـاد و؟؟؟؟؟ وخبـول=التفرقـه مـن بيـنـا بالضمـايـر
لكـن قلتلهـم وذا زبــدة الـقـول=سعـود حـب ومايبـا الا بشـايـر
هذيك بس الي عن القلـب مسـؤول=عندي تساوي مـن يقـود العشايـر
اليا ابعدت كني من الشوق مسطـول=ماعاد اميـز بيـن واقـف وسايـر
ابعادنـا عجـزت ادور لـه حلـول=حتى ورى حـد اليمـن والجزائـر
وجدي عليها وجد جنـدي ومنقـول=من ديرة اهلـه ليـن هـل العبايـر
وانا مغربل من بعـاده ولـي حـول=شهرين مادري ويش بالحال صايـر
راسي مصدع والـدوا دون مفعـول=والهم والهوجـاس صـاروا ذخايـر
ماعـاد تنفعنـي حبـوب البنـادول=مادامهـا صـارت بعيـده بشـايـر

وســـــــــــــــــــــــــــــــلامتكــــــــــــ ــــــــم


تقبلوا فائق الود والتقدير

أخوكم/ سعود بن القهيديه الميموني

آخر تعديل سعودبن القهيديه يوم 06-May-2007 في 05:35 PM.