هذه القصيده لشاعر الامه الشاعر يوسف بن رزاق بن جابر العصيمي العتيبي
مرسله الى خادم الحرمين الشريفين الملك عبدالله بن عبدالعزيز – حفظه الله -
يافكري المشغول للشعر ميعـــــاد == خلك معي ساعات و الوقت محــــــــــدود
انا هنا بين على روس الاشهـــــاد == موجود بالصوره ولاني بموجــــــــــــود
تسري بي الافكار واغيب وانقـــاد == ارحل عن الواقع ولا ودي اعــــــــــــود
هنا كسبت اعجاب احبه وحســــاد == وهناك لي موطن وتاريخ وحـــــــــــدود
ماني بناسي صبح بغداد الامجـــاد == اللي حجب شمسها من الظل بــــــــارود
اربع سنسن وحزن بغداد يـــــزداد == ساعاتها وناات وايامها ســـــــــــــــــود
وان كان بالتاريخ صوره لبغــــداد == هذي شوارعها عصابات وجنـــــــــــود
فيها العباد اجساد و ثيابها الحـــــاد == و الموت بالمرصاد والرزق للـــــــــدود
في مشهد(ن) مايوم مهوب ينعـــاد == و مأساتها من زود في زود فـــــــي زود
الموت لو يرضي مشاعات الاحقاد == هو انا الاهوال تخلي الولد عــــــــــــود
ياخادم البيتين يا ذخر الاسيــــــــاد == يالي برايك صامل الراي معقــــــــــــود
يا الحاكم العادل و يا الصارم الحـاد == ويا مزبن المظهود و يا الشامخ الطـــود
لك سيرة امجاد قديمات وجـــــــداد == يفوح منها زاكي المسك والعـــــــــــود
و لك حكمتن تلجم شياطين الاضداد == و لك هيبتن يخضع لها كل نمــــــــرود
ياسيف الامه كان للحق ميــــــــــلاد == ما انولد من سيف ماهوب مولــــــــود
قدامك المنظر ثلاثي الابعـــــــــــــاد == مكشوف للعالم و لا هوب مجحـــــــود
على يدك توحيد صف امة الضـــــاد == و انت الامل لا قالوا الصبر محمــــود
يا قادة الامه نبي منكم انجـــــــــــــاد == ضاعف علينا وقتنا بلال وقيـــــــــــود
شعبن يعيش الغبن ويذل ويبــــــــــاد == قتيل ومشرد ولاجئ و مفقـــــــــــــــود
تنخاكم آهات الثكالى بالاصفــــــــــاد == و طريق مجد(ن) بالملمات مســــــدود
تنخاكم الامال و امجاد الاجـــــــــــداد == اللي لها معكم مواجيب و عهــــــــــود
الـــشــــاعـــر \ يــوســـف الــعــتــيــبــي