اقتباس:
المشاركة الأصلية كتبت بواسطة رجـم النـايـف المطيري
غزلية رجـــــم النـــــايـــــف
===================
ياسعد عيني كل ماشفت زولك=جعلي فداك وكل الاموال تفداك
كلك على بعضك بعرضك وطولك=يعني من الهامه الى حد ماطاك
جامع جمال الكون وماخذ قبولك=واللي عطى يوسف من الزين اعطاك
واللي يقول الزين ماهو بحولك=الزين والله منبعك لاعدمناك
مايختلف بالزين قولي وقولك=يافاتنه مافيه شي يتعداك
هاذي سنتك وهاذي اربع فصولك=وهذا زمانك واغلب اللي تحداك
وهذا هو الميدان واعلن نزولك=واشغل عقول الناس منا ومناك
وخل القلوب تحير حزة دخولك=وخل العذارى تفتكر في مزاياك
وان كانهم من عقبها صفقولك=مافيه داعي ترفع اليوم يمناك
مالك منافس في جمالك يطولك=يانادره مافيه مثلك وشرواك
انت الحبيب وحظ من هو ينولك=ياقلب{فايز}كل ماحل طرياك
مهما يدور الوقت حولي وحولك=خلك معايه واسعد الله ممساك
وياسعد عيني كل ماشفت زولك=جعلي فداك وكل الاموال تفداك
=============================================
ارجــــــــو ان تــــنال اعجابـكم
وسلامتكم |
اخوي رجم النايف لا أستطيع ان اخفي أعجابي الشديد
تقبل تحياتي وتقديري
اخوك مــــــشــــــــعل الحـــــــــــــزيـــــمــــــــــــي