[مجنون عمشاء]

قالت علامـك؟ قلت:لـو ترفقـي بـي" " خليتـي العاشـق يـمـوت بصـوابـه

ترى الجفا يابنـت يكـوي الحشـا كـي" " وكـي الضمايـر مـا يفيـده طبـابـه

قالـت تحب؟وقلت:ميـت ٍ وانـا حـي" " عينـي غـدا بكاهـا يغيـض السحابـه

حبي لك أعمى منيتـه شوفـت الضـي" " وكثرالمسـن اللـي تمـنـى شبـابـه

قالت صغير؟ وقلت:طاوي الفـلا طـي" " سـود الليالـي علمتـنـي الصـلابـه

سـرٍ حفظـتـه لا تظنـيـن يفـشـي" " مثلـي فطـيـن ومشتـهـر باللبـابـه

قالـت فقيـر ؟وقلت:ماعابنـي شــي " " الفقر لو هـو عيـب عـاب الصحابـه

تحت الشجر نـام الخليفـه يبـي الفـي" " شافه رسـول الفـرس حـس بغرابـه

قالـت شهم؟قلت:الشهامـه بـي شـوي" " ما احب صيت الفعـل احـب احتسابـه

سبحـان رب ٍ سخرالمرجـلـه لــي " " مثلي عـن الفزعـات مـا صـك بابـه

قالـت شبيهك؟قلـت ماشفـت لـي زي " " هو بـس ابـوي أفخـر لأنـا نتشابـه

انا وابـوي وصـار ثالـث لنـا الخـي " " ابـوي ذيـب وجـاب مثـلـه ذيـابـه

قالـت وانـا ؟ثـم قلـت والله تهـبـي " " ولا غيـر هالكلمـه تـلاقـي اجـابـه

وردك همـاج ٍ مانفـع لـو هـو بـري" " وانـا قـراح ٍ مـا تطولـي شـرابـه

قالـت غرور؟وقلت:مـاهـو بحكـيـي " " يشهدلـي اهـل المرجلـه والـذرابـه

من ما سمعتي كان بـك شـك او غـي" " ترى اللـي قلتـه شـي مـا ينحكابـه

عقلك على استيعـاب شـرواي يبطـي" "لو ابغى اكمل راسـك الشيـب صابـه