يابنت انا قلبي من الصد مجــــروح***** جرحي عطيب ولا يداويه دكتور
يابنت روفي بي قــــــــــدام لا اروح***** جريح حبٍ طاح فالحب مجبوور
انا عشقتك عشق صافي ومسموح***** عشقن صريح ولابه الف وادور
وانا عطيتك قلب وافديك بالــــروح***** اعطيك روحي وانا بالفعل مسرور
وانا ليا شفتك ترى الصدر مشروح*****طلتك لا جيتي مثل طلة النور
واهموم شيخن لقا اخوه مذبــــــوح*****اهون من اهمومي ليا غبتي شهور
في غيبتك مالي بالنوم مـصــــــلوح***** اسهر طوال الليل والقلب مقهور
ماغير جسمي على الارض مطروح****واليا ذكرتك فزيت دون شعور
ماكني الا من تربى على النـــــــوح**** ولاكني الا من قضى العمر مكسور
يابنت انا حبك هو الي به ابـــــــوح****وعليك قلبي يابنت الناس مقصور
ياكم نقشت اسمك من القلب فالوح**** وياكم تخيلتك جميله كما الحور
وياكم وصفتك للبشر وصف منزوح**** نزحت وصفك لجل غيرك يثور
وخليت حبك في مزاياي ملمـــــــوح****كلن يشوف الحب ماهو بمستور
وهالحين عقب الي سمعتيه بوضوح **** ماظن قلبك على مثلي يجور
ولا ظن تلقين عاشق ومجــــــــــروح****مثلي ولو صفوا العشاق طابور
آخر تعديل ابراهيم الزراقي يوم 29-Apr-2007 في 07:19 PM.