[ابراهيم الزراقي]

وش فيك عنا يااريش العين قفيـت****مدري زعل والا غرور وتغلــــــي
انكان وانك عن خويك تخليــــــــت****تراك قدرك في حشاي امتعلـــــــي
ماني بناسيك لن رحت وان جيــت ****وشلون قلبي يجلا منك ويملـــــي
انت الصحيب الي لشوفه تمنيـــت ****وانا الجريح الي زمانه يدلــــــــي
كتبت فيك الشعر بيتن ورى بيـــت****وكل المعاني عندك انته تهلـــــــي
اوفيت لك والا انت ماظني اوفيـت****واليا جفيتك ياخويي من لــــــــــــي
يامحزمي يامسندي لامن تعزويت****ياغايتي فالوقت ياكـــــــل كلــــــــي
لاتطري الفرقا تراني تعنيــــــــــت**** ومن شانك انته كل شين حصـلي
ماودي اسمع انك عني تخليــــــت****ولا ودي افقد من فقلبه محلــــــي
إلا اذا انته عن خوتنا تعليــــــــت ****ولا عاد تبغى كل شين يصل لـــي
ارجوك علمني كان انت مـــليـــت**** وعن السبب ياخوك هالحين قلـي
قلي تراني معك ماقد تهنيــــــــــت****وانا بقول مسامحك ياهيه يلــــــي
حان الفراق وجاك الي تمنيــــــت**** والله يعين القلب بعد التخلــــــــي

آخر تعديل ابراهيم الزراقي يوم 28-Apr-2007 في 10:07 PM.