اقتباس:
المشاركة الأصلية كتبت بواسطة الدماسي 2007
اورد لكم قصتان وبطل هذه القصه /محمد الشغار الملقب (ذيب الطراد) ويلقب كذلك راع العليا والمذكور غني عن التعريف فهو احد ابناء ناصرالشغارشيخ قبيلة الدماسين الخمسه والذي قال ابن رشيد عنه وابنائه يسأل في مجلسه من يخبرلي ماكر ٍ كله ندرمافيه لالزيز ولاتبع قالوا الحاضرين ياطويل العمر في حوران في ....في .قال ماجبتولي سالفه انا الي خابره وابي اعلمكم هذا ناصرالشغار وعياله الخمسه هم الندر وعياله الخمسه هم //////محمد/عيد/ وسلطان /وزبن/ وفيحان/
ومحمد بطل هذه القصه والذي لم يخلف من ابنائه الخمسه احد سواه وابناء محمد هم محماس الشغار الشيخ والفارس المعروف وحمس الشغارفارس شهير توفي كذلك لم يخلف احد ـــــــــــــــــــــــــــــــــــــــ
ننقل لكم القصتان من افواهـ الرواهـ ........ القصه الأولى ...
عن بعاج الحابوط وعن كذلك عدد من كبار السن الا اننا ننقلها من فم الراوي نفسه وهو حي يرزق ويبلغ من العمر الأن خمسه وتسعون سنه ــــــــــــــــــ يقول الراوي
في سنة الأرجعنات الثلاث ويحددونها بعد وفاة الملك عبد العزيز قال كانت الهييشه مربعه والنزلاء من الباديه فيها كثيرين وذهبت انا يابعاج ومحمد بن طعيميس القوبع لهاك البيت الكبيرمروبع نبي ذبايح ونتنشد عن جماعة نبيهم قال يوم جينا البيت ليافيه هاك الشايب الكبيرجالس على شداد قال الرجال طبعه شمالي وقلنا انه من شمر لأنه ثقيل وعادة الشمري مايسأل ضيفه منين جاي ومنين رايح لويأخذ ثلاثة ايام
قال حنا يالروقه عجلين ومحمد رفيقي عجل قام ينشده قال منين انتم قلنا من ابوجلال قال من اي قلنا روقه قال من اي قلنا من جماعة الشغار قال هو ينتهض ليا معتدل في جلسته قال وهي تنطلق دمعته قلنا ياشايب علامك قال والله والنعم والله ياعيالي مانعرفكم الا بذكركم حنا من بني سالم من حرب وحنا نوالي شمر وحددن ال شمر ابا اعلمكم ياعيالي هذا ابن عم لنا يقال له خليف يحكي علي بنفسه كان صبي عند محمد الشغار يقول صدرنا من كبشان وعلانا خوف والناس مع بعضها قال وليا فيه صيفية مخالفة عن دربنا والطروش وجهتها وحده قال واباعري تنحر الصيفيه والحقها ابي اردها قال عمي خلها خلها والله ماتردها عن وجهتها ياعمي خوف ولا غيرنا احد قال خلها قال ونمسيها ونصبح فيها
قال يوم تعينت ليا روس الشلف كنها الغربان والخيل معطيتنا روسها قال اطالع لعمي ليا هو هناك محول عن فرسه قال وليا لي بكيرتن عرقتي قال وان اثنيلها ياحرب بالعقال في هاك الطلحات وانا ابرك عليها قال عيني لعمي لياذبح قال لياهو هناك على محواله ماتحرك والخيل ضربتنا والبل ثعوبها
قال هو ياخذبها شوي عديان وهو يطمر في ظهرها قال والله يوم اعاين في عجتها ان كنها الدجه السوداء بعد حذفة اليد عن عجتها ماتشوف راسها من ذيلها مختلطه قال هو يضربهم ياحرب ليا طالع قبله قال وهو يرد عليهم ليا طالع قبله قال اربع مرات وهذي سواته قال ليا القلايع من الخيل اربع قال ليا القوم يوم ولتنا ظهورهم الي سلم منهم غير الي طاح قال هو يردها بلي فيها من الخيل قال والله مانقص منها حتى المفرود
قال انا مدري وش يبا يسويبي هالحين وانا افك بكيرتي هو يجيني كنه البعير الهايج زبده عايم قال ياخليف ضم البل ضم البل قال وهي يجيلها حنه وهي تعاطف على عيالها قال احلب لنا قال وانا اضرب هاك القعب من الحليب لين طلع مع فمه قال وهو يستدنيه ويحطه على ركبته قال وهو يضرب فيه قال وهو يرفع راسه قال استاهله ياخليف قلت ايوالله تستاهله ياعمي قال وهو يلحق عليه قال والله ياحرب قول خليف ماشافت عيني ولا فيه اشجع من هاك الرجل ............. قال ونجي نبا نقوم قال الله ومانه لتأكلون غداكم من شان هالحموله الي انتم منها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــالثانيه///// يرويها محمد بن مطلق بن رايز من السحله من العضيان عن سلطان ابو خشيم شيخ المراشده قال يقولي انا سلطان يحدثني بنفسه قال يحدثني بهذه القصه هندي الذويبي بنفسه والمعروف بان الخشمان لهم صلة مع الذوبه خوال لهم قال يقولي هندي يسولف علي ابوي ناهس يقول غزانا يم عفيف قال يوم جينا على عفيف قال اليا الأبل جرتها تو صدرت وليا معها جرت رجالين وجرت فرس حافرها كبير قلت ابشروبها اقوله الجماعتي قال ومع الجره مع الجره قال ويمسينا الليل مالحقنا عليها قال يوم اصبحنا ومع الجره قال لينا نشوفها قالوا حرب والله ماتركض يالأمير نبا نجيبلك الأبل قال وهم يركضون من عندي عليها قال يوم دريت ليا الخيل معطيتني وجيهها والخيال راكب على ساقتهم الحاله قال وانا انطحه ياحرب والله ماغير ابا اهيب عليه الي كسر اطيب ربعي وقلع الي قلع قلت خيل البويضا وانا ناهس قال تعقب خيل العليا وانا محمد قال قلت عنه عنه اقوله الربعي قالوا نبا نرد عليه يالأمير قلت والله ماتردون السلامه منه مكسب الي راح من خيلنا ورياجيلنا اغلا من اباعره قال والله انا منكفين ياحرب من هالغزيه ردنا هالعتيبي لحاله
القصه نقلت عن احد المصادر
|
يالدمااااااااااااسى يالذيب
يالله اذكر لنا المصدر حااااااااااااااااالا والان وياليت تنسخها لنا هناااااااااا
حتى نكون على بينه
.................................................. ......................................
لاكن حبيت اذكر ك اخوى الدماسى بقصيده لشاعر سعود بن لفاي ويلقب (اليابس) لشدة بأسه وكرمه وهو من الحفاه من الروقه
من عتيبه في هذه القصيده يصف معركه جرت بأواخر القرن الثالث عشر بين الحفاه وشمر وكان رحمه الله لايذكر الا الحق ولو كان عليه ماهو مثل بعض الشعراء اللذين يظلمون حظهم
أول كلامي طلبت الله iiوذكره ذكـرت ربـي كـل بـادي iiنـوره
يقول بن حافي بدا راس مرقب في مرقـب عالـي بـروس iiالقـور
يرد من زين المثايل iiوينتقي مثـل العسـل حلـو بـدون iiامـرور
كلام أحلى من لبن شمخ iiالـذرا لاروحـت مـن حاجـر iiممطـور
بعد جا خيال طلعة الشمس وامطر اثعوله من الدم الحمـر iiشختـور
وبرقه من أيمان النشا ما iسيوفهم ورعده من افواه السـلاح iiيثـور
قبلي خشم(نطاق)لاطقه iiالحياء شمال مـن العـد الهمـاج iiأحـدور
طاحوا به الفرسان منا iiومنهم وردوا هل العـاده علـى iiالصابـور
نطحنا العداء من يوم جتنا جموعهم على سردهم والبيـرق المنشـور
وسقيناهم السم الذحـاح iiوسقونـا مثـل نمـور صادمـت iiلنمـور
وابن لغيصم طاح منا علـى الثـرا ونحدهـم عـن مالنـا iiبحـدور
ياذيب ياللي بايمن النير iiوايسره كل من مداس الخيـل يـا iiمعثـور
وكل من الصبيان والجيش iiوالرمك والى ظميت اشرب من iiالمنجور
تلقا على الساقه حصان iiومهـره وتلقـا عيـال لابسيـن iiاكمـور
وصوت لذيب يم حشـة iiمليـه وخلـو لغيـاب السبـاع iiجـزور
كم صاح عقب الكون من زينة iiالحلا حناها طناهـا حنـة الباكـور
من اولاد حافي لابتي ذي iiفعولهم أهل ماقف يـوم اللقـاء iiمشهـور
كدو علينا ثم رجعنا iiعليهم واقفـت بهـم جـرد المهـار iiاعبـور
وردوا علينا وردة في iiعزيمه وهـج الحـلال وزرفـل iiالمظهـور
وأحاطوا بنا قوم تهاذيب iiخيولهم ولجـة حداويهـم علـى iiالمامـور
ورمينا العمايم واعتزينا iiبحافي وثبـت لهـم كـل أبلـج iiمنعـور
وطاحن جياد الخيل من ضرب لابتي والدم الاشقـر بيننـا iiمنثـور
وحمو جريرتنا عيال iiبفعلهم وعيـا علـى التاليـن بـن iiصمعـور
وافتكت اللقوة بكثـر iiالرزايـا وكـل خـذا حقـه مـن iiالميشـور
جنايز الضفران حافي iiوشمر أمسـي بهـا سبـع الخـلا iiمسـرور
واربعي اللي كل ما قلـت iiأظنهـم لاكـن يهـدم بالبـلاد اقصـور
أهل مرحبا وان جت ليالي iiالشدايد وأهل الكرم وان جت ليال iiاعسور
ياحيسفا ياريف هجن iiحفايا يـوم الـردى عـن خاطـره iiمثبـور
أيضا وابن هزاع وعميش iiقبلهم وحزام شـوق الجـادل iiالغنـدور
وجدي عليهم وجد من بات ساهر يجر العواء من عظمـه iiالمكسـور
والوجد الاخر وجد راعي هجمه خذها ( الذويبي ) من طرف iiمجرور
واستغفر الله قبل تكتب iiعليه في كل عمـري مـا ذكـرت الـزور
تمت وصلى الله على صفوة iiالملا اعداد ما يزهـى الفـلا iiبزهـور
يقصد بالبيت التالي (والوجد الآخر وجد راعي هجمه=اخذها الذويبي من طرف مجرور) الشيخ ناهس الذويبي يرحمه الله حيث انه كان يغزوكم فى عقر داركم مع العلم ان مجرور هجره فى وسط ديار عتيبه
باعتراف من شاعر وقوى منكم
وتاكيدا للوقعه يقول العلامه و المؤلف سعد بن عبدالله بن جنيدل فى كتابه عاليه نجد صفحه 1146
مجرور: واد يقع فى مصادير الخضاره شمال الدفينه وفى اسفله مشاش ..........وفيه عبل ابيض يسمى مجرور ...وهو فى بلاد قبيله الروقه من عتيبه التابعه لاماره مكه المكرمه وله شهره فى اشعارهم
كقول سعد الحافى الروقى فى قصيده له:
وجدى عليهم وجد راعى شوايل********خذها الذويبى من عبل مجرور
ولا ننسى الشاعر مشوطه المقاطى العتيبى يرحمه الله يمدح حرب وناهس الذويبى حيث قال بعد معركه جرت بين بني عمرو وعتيبه:
ياليت خلي شايفٍ بالعين =يوم ان ابن هندي دفع مركيه
ياطيب لابة ناهس الادنين= هاك النهار وحزة العصريه
اليا قلت راحوا وادبحوا مقفين= ياسرع ردتهم على المنقيه
بايمن سناح البيت طاح اثنينٍ =وبايسر سناح البيت نص الميه
طبعا هذه بعض المصادر من عندكم مع العلم ان عندى قصص ومعارك وشعر لحروب لو ذكرتها ماراح تصدقونها