أضـع بيـن أيـديكم ابيــات بسـيطة ,, أرجـو أن تقبلوهـــا ,,
لاتعتـذر لـي ماتفيـد المعـاذيـر = ياكثر ماتخطي وانا اقول مسمـوح
عدْيتهـا مـرّه وثنتيـن بالخيـر = واثرك تعاندي على ويـن مـاروح
خلاص ماني حاسب(ن) للمخاسيـر = ولاعاد فيها صاحبي ضحك ومزوح
خلـك لحالـك ياسفيـر المعاذيـر = مالي ورا دربك علاقـة ومصلـوح
نفسي عزيزه,,, كان تحتاج تذكير = مارضى عليها الذل لو كنت مجروح
مع السلامه وانتهينا علـى خيـر = ودعتك اللي بقدرته تطلع الـروح
أخـوكـم : محمد الــعــريــدي