السلام عليكم ورحمة الله وبركاته
هذي محاوره بين الشاعرين الكبيرين مستور العصيمي وفهد العازمي أبو ريان على شبكة المرقاب
إليكم المحاوره
فهد العازمي
يا سلامي سلامٍ للرجال ابتديبه @@@ فالبدايه تحياتي وارد السلامي
رغبتي فالصحيب اللي يوفي صحيبه %% مثل مستور بن تركي رفيع المقامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
مستور العصيمي
مرحبا عد ما نبت الحيا في شعيبه %% وعد من حج بيت الله وحل الحرامي
كان عندك خبر حاضي تفضل وجيبه % قاضي المحكمه يقطع يدين الحرامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
فهد العازمي
بعد ما جتبك الايام ماهي غريبه %% فوق عد ٍروي من جمته كل ضامي
ما نسولف بعلم ٍ فيه شكه وريبه%% يشهدون الرجال محللين الكلامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
مستور العصيمي
يا عميل الرضا كلن نصيبه يصيبه
%%%%%%%%%%%%%%% والمطيه قضبنا راسها بالخطامي
راعي البندق اللي ما تصيب الضريبه
%%%%%%%%%%%%%% كان زل الهدف لا يحتزم بالحزامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
فهد العازمي
كم تبعد جهينه فالعدد عن عتيبه%% في وصول الجدود وفي وصول الاسامي
بعد صارت بعيده جات عندك قريبه$$ جعل بقعى يزايمها كثير الزيامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
مستور العصيمي
اللوازم على الرجال غصبا غصيبه
%%%%%%%%%%%%% وش يقرب جهينه عندنا يا غلامي
والسوالف بعضها يالعتيبي صعيبه
%%%%%%%%%%%%% ما نبا الحز بالسكين يصل العظامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
فهد العازمي
كل رجلٍ يخلي حجته وسط جيبه $$ لين نعرف حلول المشكله بالنظامي
يا هل الديره اللي نبتها ما وطيبه%% كيف عشتو على قطع الغصون النوامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
مستور العصيمي
اعطبوها بجرحن ما يعالج طبيبه
%%%%%%%%%%%% يوم جوها سوا مثل الجراد التهامي
بان علم الطليب اللي حضر مع طليبه
%%%%%%%%%%%% قبل راس الشهر لا يفطرون الصيامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
فهد العازمي
المجامل مصيبه والتغاضي مصيبه ^^ ويش موقفك من هوشة عتيبي ويامي
وانت دايم من الطائف لمكه لطيبه^^ في تهامه تعيش تموت والبرق شامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
مستور العصيمي
موقفي مع عتيبه بالسهوم العطيبه% كانها يافهد في نور ولا ظلامي
ما يجود تراب القبر غير النصيبه $ خل ميسمك للعدوان فالنار حامي
تحياتي لكم