من قصائد الشاعر الكبير / غازي مهنا اخترت لكم هذه القصيده والتي أتمنى أن تنال على إعجابكم .....
أنا بعصر الجهل نفسي مطاوعها=أطيع والنفس تامرني وتنهاني
دنيا العنا بين شاريها وبايعها=كني مفتح وباقي الناس عمياني
كم فرصة صادفتني مير أضيعها=والوقت يمشي وضحكني وبكاني
واليوم نفسي عن الزلات مانعها=طردت ماضي زماني لين عناني
عن ما يوطي مقام النفس مانعها=واحثها فالكرم للضيف والعاني
واخلي الضيق دام الله موسعها=عن منهج الضيق أدور منهج ثاني
والناس قانع بطبعي عن طبايعها=كل بطبعه وله سمعه وعنواني
ناس تعرف السنع ماني مسنعها=تروح في شانها واروح في شاني
والرفقه اللي تنقدني ما تابعها=ابعد عن اللوم واللوم يتعداني
ومن لا بغاني حبال الوصل يقطعها=واللي يبيني يدورني ويلقاني
وسلامتكم،،،،،،،،،،،