[الحارثـــــي]

حقيبة المعلومات اتمنى لو انك اوردت قصتك في موضوع واحد ولكن
بالنسبة لقصة سلوم فكثرة الأقاويل فيها
والعتبان نفسهم مختلفين فيما بينهم العصمة يقولون عصيمي والنفعة يقولون نفيعي والثبته يقولون ثبيتي والجعدة يقولون جعيد
وهذا دليل واضح على أن سلوم ماهوب عتيبي ولو أنه عتيبي وفعل هذا الفعل لكان أتفقوا على نسبه العتبان ولا قام كلا يبا النوماس له ومختلفين ليومك هذا
ولكن الحقيقة أن سلوم حارثي في الأصل وذبح عيال عمه عند بنته يوم رفعوا ثوبها وجلا مع عتيبة وغارمهم وصار عتيبي هو ذريته
وقيا مالها دخل في القصة وهي ديار بني الحارث من قديم الزمان ومن قبل قصة سلوم وهي من ضمن الحارثية اللي حددها الشيخ بريمان الحنيش في قصيدته اللي يقول فيها:
أبا أوصي العـراف منـي وصيـة=وصيـة تبقـى مــع التاليـيـن
ترى حدنا من يَمّـة الشـام يمنـا=عُرف وماتدنـي الحـراج يميـن
وترى حدنا الصُّوان وأقصى زرايبة=مـا تبقـى منهـا ومـا يبـيـن
ترى حدنا سلوان يـا جاهـلٍ بنـا=هو مرتع السفرات في كـل حيـن
وترى حدنا المزروبـة المستقلـة=وياطـى الألال وملتقـى الحيديـن
والعقرب الفيحاء غدتلـي غلاطـة=أخذها ابن عياش السـروق بديـن
وشد الحديد مـن الحزيـز مبكـر=وذوده على عشق الرقيق الحزيـن
قومـت دعواهـا وثبـت حـدهـا=وأدنـت فيهـا واقتضيـت الديـن
عطيت الخطا من دونها طالب الخطا=وعطيت القدا من دونها المقديـن
وعلي دين الغالبي جـت حقوقهـا=وعليها مـن الآد الحـلال أثنيـن
كتبت حجتها على خمس من الشهر=فـي عـام ألـف وسبـع سنيـن

الشدادية وش تقول:
ياعزوتي يالاد شدادي = من يمسك البسة بأذانيها

والبسة شيخ البسسة من النفعة وهم يعرفون بن الحارث زين ولا ينسون يوم أخذنا حلالهم وعيونهم تشوف يوم يقول الشاعر دليم العتيبي:
راحوا ورحنا كلبونا سويه = ألا الدبش يفداك يا مرذي الأطلاب



ثم قيا ماهيب دية وأن كانت أجل ابو راكة وميسان وباقي الحارثية دية!!!!!!


وتقبل تحياتي ومن دق الباب لقاء الجواب