0
أبيات متواضعه ردا على قصيدة الشاعر القدير فـيـصـل الـيـامـي
والتي مطلعها :
الا ليت الزمن يرجع ورى والا الليالي تدور=
ويرجع وقتنا الاول وننعم في بساطتنا=
سنين العمر ماترجع ورى بالحس والمنظور=ولو إنا نغني للرجوع أجمل حكايتنا
طفولتنا قضيناها ومرت في فرح وسرور=وجانا همنا بدري بعد عدت طفولتنا
سنين العمر لو ترجع سبحنا بالسنين بحور=وخلينا الزمن يرجع وجينا من بدايتنا
جروح الوقت ماتبرى ولو إنراجع الدكتور=نبيه يشخص الحاله ويعرف سر علتنا
ثوان الوقت تسبقنا وتبني لـ الممات جسور=ولازال الامل باقي نعيش سنين ماجتنا
وحنا لو تمادينا وعشنا بالحياه دهور=أكيد الموت فالآخر يبا يضوي ويبغتنا
نلوم الوقت بأخطانا ونكشف سرنا المحجور=نقول إن الزمن قاسي وكله من سذاجتنا
نعيش بهذي الدنيا ولا ندري عن المستور=ويمكن بعض أمانينا تعجل في نهايتنا
نخطط في ثرى الدنيا ونعمر في خراب الدور=وحنا لازم نرحل ويـقسم في وراثتنا
مساكنا إذ متنا تكون الخاتمه بـ قبور=نواجه بالثرى وحشه وتتركنا وجاهتنا
إذا كان العمل صالح يطيب إلنا اللقاء بالحور=وننعم في هوا الجنه ونفرح في قيامتنا
يمد إلنا البصر طول بــ مسافه ماحجبها سور=ونحيا في حياه إخرى ونمرح في مساحتنا
وإذا كان العمل باطل دعونا بـ الممات ثبور=ولكن الدعاء ليته يعجل في إماتتنا
نسينا ان الحياه أقصر من أحلام السنين العور=نحسب إن الحياة أصلا خلقها الله لــ . لـذتنا
تدور بنا رحى الدنيا وحنا لـ . المعاش ندور=ونأخذ من غثى الدنيا بلاوٍ فوق حاجتنا
نخاف الموت من قل المعاش وقلة المبذور=وإذا زاد الرزق معنا نبذر في معيشتنا
00000000000000000000=0000000000000000000000
وسلامتكم جميعا
0000000000