إبكي على صياف يا عينـي
أبكي على موته وتوديعـه
إبكي عليه إبكا المحبينـي
لو مالهم حـظ ٍ بتشييعـه
إبكي عليه إبكـا وبكّينـي
قبل الخبر ينـذاع وآذيعـه
إبكي عليه اليـوم يالينـي
تجف من جفنـي مداميعـه
إبكي عليه ان كان يوحيني
يالين توصلهـا مساميعـه
إبكي عليه إدهور وسنينـي
و أشهوره ويومه وأسابيعه
إبكي عليه الليل والحينـي
ابكي بكا مشروع تشريعـه
إبكي على اللي ذكرهم زيني
من بعدهم والملعبه ضيعه
بعده ترى ما عاد يشقينـي
شعر النبط وزنه وتجميعـه
ويا شعر تكفى لا تبكينـي
إليا قريتك فـي مواضيعـه
ورحمتك يـارب الثقالينـي
في جنتك تجعـل مرابيعـه
قولوا معي آمين وآمينـي
عن نار ربي من مطاليعـه