[طلال الثعلي]

صدقت اخوي مديوس

وهذي قصه حقيقيه ومعروفه عند الكبير والصغير
الكن اللي سمعته من الرواه والشيبان ان عبد المحسن الفرم( اخو حسنا)
جوه ثلاثه من شيوخ قبائل ( قحطان. مطير. ) والثالث لم يحضرني
وكانو متجاورين مع بعض وكان وقت ربيع وكان الفرم قريب منهم
واتفقوا على انهم يغزون العتبان وراحوا للفرم قالوا نبيك تغزي معنا عتيبه
ولكنه رفض والحوا عليه وراح وهو كاره ويوم صبحوهم مالقوا الا البل
والرعيان واخذوا البل وكان اللي موجود عدد قليل من عتيبه ويوم وصلهم الخبر
لحقوهم وكان من اللي لحقوهم (الظيط. عفاس بن محيا. ابن نجم)وكان عمر عفاس
بن محيا 20 سنه ولحق عفاس الفرم في وسط البل والخيل ويوم تواجهوا وكلا عرف
الثاني ادار ابن محيا ظهره للفرم ولحقه الفرم ويوم اشتدت الخيل باالجري عرف
الفرم قصد ابن محيا مثل اللي يقول (اباك الحالك.. انت المدور) ورجع الفرم
ورجعله عفاس وكان الفرم مقفي يبي اخوياه وكان يمدي عفاس يذبحه ولكنها
مهب طيبه ذبحته من ورى ولاهي من عادات الشيوخ ولحقه من قدام ووقف الفرم
ونصاه ابن محيا وكان معه الشلفا ورفعها قال فيك ياخو حسنا والا فاالفرس
قال في حر ان جت في والا فاالفرس( وكررها ثلاث مرات) وذبح الفرس تحته
وامسكوا الفرم وانكسروا اخوياه ومنهم اللي مات ورجعوا البل واخذوا الفرم
معهم وضيفوه واكرموه وعطوه واحدة من الخيل وقالو رح لهلك
..................... وسلامتكم...................
وهذه الوقعه تكلم بها الفرم شخصيا عند الملك فيصل عندما سئله عن اقشر
يوم مر عليه ( والله لايجيب اليوم الاقشر).
............................ ابن ثعلي ..................................................