السلام عليكم ورحمة الله وبركاته ،،،
هذه الابيات مجاراة لقصيدة الشاعر الكبير / صقر شباب العصيمي العتيبي
يالله يامبين حلالك والحرام = تفرج لعينن ماتغض اجفونها
نبغى العزم ياربع في مسك الختام = باسم العتيبي تكتب بمليونها
لاهي بسم الشمري ولا بسم يام = وامحى مطير وعزوتي يمحونها
حنا عتيبة يسبق الفعل الكلام = ماورثت سوداء ولا يرثونها
قدنا الشعر حنا عتيبة بالخطام = حتى حفظها عاقل ومجنونها
وقت الشدايد لالمع برق الحسام = نطى المنية مانهاب اسنونها
في مامضى للحين كالبدر التمام = يوم البعض عود كما عرجونها
وصلاة ربي عد ماتفطر صيام = على النبي واعداد قطر مزونها