من جديد
قصيدة
للشاعر
راجـح بن نايـف العطـاوي
يوم إنتخى يوسف بربعه عتيبة = شبت شبايبنا وراحت عزاوي
وقامت رسايلنا تدك الضريبه = من كل حدب وصوب ماهيب تاوي
لين إعتلى يوسف وشلع نصيبه = وأخصام ابن عاصم هووا في المهاوي
حنا عتيبة متعبين النجيبه = الطيب وزع بيننا بالتساوي
أعظم قبايل مملكتنا الحبيبه = وإن قيل غاوي قلت مانيب غاوي
أذكارنا ماهيب عندي قريبه = أذكارنا طافت جميع النحاوي
ومن غير قاصر في الأصول العريبة = طيب القبايل قد حكاه الخلاوي
كل(ن) غني عن طيب غيره بطيبه = ذخر الرجال امزبنين الجلاوي
أهل القنا وأهل السيوف العطيبه = لكن حنا مخلفين الهقاوي
حنا تعلينا النجوم الرقيبه = يوم إن بعض الناس في الأرض ثاوي
وليا إنتخى يوسف بربعه نجيبه = عجلين مافي صفنا من يراوي
يبشر بفزعتنا كتيبه . . كتيبه = تعرف عتيبه في اكبار الدعاوي
مادام كلن نجدته من قريبه = إزبن على العد القراح الرهاوي
ومن يزبن عتيبه . . عتيبه تثيبه = وأقبل تحيات إبن روق العطاوي
ولكم مني كل الفخر بكم أنتم
ذباحـــــــة الحايـــــــل لطامـــــــة العايـــــــل
أخوكم
رايق الروقي