قصيده للشاعر عناد النفيعي (ســـلطان)
ولها عدة مجارات
عليـك البـرا مـردود يالجنـة المليـون= مع اخلص تحايا خاطري واصدق اشواقـي
تغيض الصدور وتمتلي والخطـا مرهـون= على ذمة الاجحاف فـي بيـض الاوراقـي
وانا والله انـي مـا اتكلـم علـى مالـون= ولـولا الخطـا مـالاح نـوّي وبـرّاقـي
ليا صاروا اهل الشعر في الشعر مايـدرون= تدور الظنون .. وتختلـف هقـوة الهاقـي
الا ياهل الحكم المجيّـر غلـط .. وشلـون= عرضتوا ضمايركم علـى مـوس حلاقـي
يسولف بها العاقل .. ويعدي بها المجنـون= هذا بالخبـر نـازل .. وذا بالخبـر راقـي
وحنا منـوّل نحسـب ان الخلـل مسجـون= بالانصـاف كبّـل واحكـم القيـد بوثاقـي
لكن اتّضح .. مدري انفضح .. زبدة المكنون= على عارض الدكتور غسـان .. والباقـي
بعد ركبت الجمـره علـى برطـم الغليـون= وجا للهب شعلـه ..ودخـان .. واحراقـي
وحتى ايش لوان السبب سرّي .. ومدفـون= اصـول الكرامـه ثابتـه والسبـب راقـي
طبيعي لاصار الرجل فـي موقفـه مغبـون= هذا الحر يشهـر كـل ماخاطـره ضاقـي
ولاهي غريبه لو كسـر يوسـف القانـون= عتيبي محكحك .. واخطل يمين .. وعراقـي
يالجنـه ياقـو وجيهكـم شكـل والا لـون= بعد مابغيتوا قطعت المـاء عـن الساقـي
يمين الله لتبطون .. تبطون .. ثـم تبطـون= اقوله وعـزي ّ بالفخـر يدعـم اعماقـي
لوان لجنة المليون .. ترثع بـدون عيـون= ولاهيـب لاتحـدر .. ولاهيـب تنسـاقـي