[الفدعاني]

المشاركة الأصلية كتبت بواسطة عقاب الحويماني

ومليون نعم يالفدعاني

وكلامك صحيح ومثبوت من ناس ثقه ومعظم القبائل نزايع ,, والجذعان من عنزه وانا شخصيا" زميلهم وفي أحد


الايام جاء فيها طاري وسألتهم قالو نعم صحيح ,.,


***** وعلى طاري كل قوم من دون عنزه وسع صدرك خلك شمالي وخذ العلم لاهنت *****

هذي سالفه قديمه أسمعها في مجالس الطيب والحكمه شيابنا رحمهم الله ,, أيام ماكان السديري فالشمال وفي أحد الايام ذهب 2 من قبيلة سبيع لاخذ الشرهه من السديري وكان معهم 1 من قبيلة عتيبه (عصيمي ) وثارة ثائرة السبعان على خويهم العتيبي ( حنا ياسبيع أطيب القبايل وحنا أهل الابل الي نفتكها ) هم ان شاء الله ونعم ,., المهم أكلو العتيبي بالدجل والكثر يغلب الشجاعه العتيبي سكت وقال مالي ومالهم ,., وصلو لسديري وأخذو الشرهات ورجعو يم نجد الا عند السديري هاك الشيبان من قبيلة شمر لابسين معمات على روسهم قال السديري أخذو ذا الشيبان معكم ,., السبعان والعتيبي أخذو ذا الشيبان معهم المهم السبعان صدقو أنفسهم والعتيبي كان ساكت عنهم طول الوقت ومن الثقه العمياء قامو ذا السبعان يسألون ذا الشمامره من أطيب القبايل وفي طبيعة الحال قالو كلن فيه حقه مارضو السبعان قامو يحلفون الشمامره قالو ( حنا من قوم ابن رشيد وحاربنا معه إذا قال ابن رشيد نبي نغزي عتيبه والله إنا مانقدر نمسك البندق ,.,
وإذا قال نبي نغزي عنزه والله مانقدر نمسك البندق ,., وباقي القبايل نشرب الشاهي عليهم بارد) وتحصلوها سبيع وفرج الله للعتيبي ...’,,,,,,......

وسلامتكم


تحياتي أخوكم/ عقاب الحويماني

حياك الله أخي العزيز عقاب وشاكر لك على إدلائك الجميل
أما صدري فهو شمالي إلى أقصى درجة
فقد وصل أجدادي رحمهم الله إلى مالم تصله قبائل عنزة كلها فمعلوم أن قبيلة الفدعان هم الذين تجاوزوا الجزء الغربي من نهر الفرات وبلغ بهم البعد أن الشيخ دهام القعيشيش ( أمير ضنا ماجد والعبد الفقير منهم ) كان يغزو في بلاد الاناضول وهو الملقب بمسواط بقعا
فإن لم أكن أنا شمالي ولا فخر فمن يكون الشمالي يا ترى ؟؟

أما بشأن ذكر المثل فهو لتذكير الغافل وتعليم الجاهل وإسكات المتطاول لا غير
أشكرك جزيل الشكر