مسائكم عطر ..,
فقط لتوّاصل ... وعذرا عن الغياب ..
غيوم العين كم صبّت وساحت = لاهي تبرق .. ولا بالرعد " ناحت "
ولا أتْبِع دمعتي شرهه عليها = ليا عافت " عواليها " وراحت ..!!
لا تَحْسِب هذا مطلع من قصيدهـ ...!!
لا والله دمعةٍ بالعين ..
طاحت..!!
يعيش الشعر عن " ميّت " دموعي = يا كم " خافيّةٍ " لولاه باحت ..!!
عنيق الروح ياوجدي ونوحي ..= عليك بيوتي كم " صبّت و ساحت "
مسا البارح تزاورني " وجوهك "= و " سود وْجيه " للفرقا .. تناحت
وْقبل آرحب ابها وآتنومس =تِشَرّع " باب صدري " و إستراحت ..!
ابهر دلتي بوجار شوقك = والاقيها قبل تاصله .. فاحت ..!!
و أمد " فنجال شرهاتي / " تسوقه ..!! = على دنياً عطتنا ثم شاحت ..!
يا طيب الوقت .. لو أنه يقدّر = عليك ضلوعي لا ناحت وصاحت ..!!
" مجسمّ حبٍّ " ...وناحتك بيدي = " بنظره ثاقبه ..! " " بعيون ناحت "
ولا تَحْسِب هذي بحسبة قصيده ..!! = لاوالله دمعةٍ بالعين .... طاحت ..!