[ملفي بن عون]

السلام عليكم ورحمة الله وبركاتة

اقدم لكم هذة المتواضعه وهي التي اهلتني لـ دور 48 في برنامج شاعر المليون
وأرجو أن تنال اعجابكم ..

ياصاحبي مانيب من يعلم الغيب = ومانيب اجازي كل سيه بسيه
اصلك وازورك اذا شفتك تغيب = لوك مقصر كن ماصار شيه
امشيبها بالطيب وارفى العذاريب = والا الردى ماهوب يطري عليه
واليوم ميقافي على بابك اصعيب = خطيتك ياكبرها من خطيه
ثنتين تخطيها التفاكير وتصيب = ووحدة من الثنتين لاشك فيه
اما الوفى واقول ضمن المواجيب = يوم الوفاء حق الخوي لخويه
والا اطرد المقفي واذا عندنا عيب = وهاذي على الطيب تراها قوية
اكبر مصيبة وافي الطيب فالطيب = لاضاع مثله بين هاذي وذيه
ماكل مجتهد( ن ) يقولون بمصيب = لاشك فاهم وش عليه وليه
العمر يمشي والليالي تجاريب = ومنها تعلمنا شويه شويه
بعض الصداقه حدها البوك بالجيب = تحيا بـ أمل وتموت بعد العطيه

وسلامتكم


ملفي بن عون

التوقيع

[ frame="7"] لحظة غيابي كانها ماتهمك= لاعاد تسأل ليه انا غبت واقفيت مابيك تذكرني ليا جيت يمك= ابيك تذكرني ليا غبت وابطيت [/frame] ملفي بن عون