السلام عليكم ورحمة الله وبركاته
مساكم الله بالخير
اقدم لكم هذه المشاركه الاولى في منتداكم العامر
النفس تواقه وقلبـي مـن حديـد = واهدافي اقربهـا ورا أبعـد نجـم
والله والله عن طموحاتـي محيـد = حتى يرفرف لي على القمـه علـم
بشدحيلي وابـذل الجهـد الجهيـد = ولولا التعب مال النجاح ادنى طعـم
مالد عيني في مـن لكيـده يكيـد =عيني على المركز رقم واحد قـدم
ولوان رزقي صار في يدين العبيد = ماكان شميـت وتنسمـت النسـم
ولو استمع في كلمة الخبل البليـد = ماكان للعليا خطـت رجلـي قـدم
هرج الجهاله مثل شيك بلا رصيـد =يدف هراجه علـى سجـن النـدم
دار الوخم ما تنبت الطلع النضيـد = لو كان تسقيهـا هماليـل الوسـم
ياهاجسي كانك تبـا العلـم الاكيـد = كانك تبا تدسـم شواربـك بشحـم
لاتستمع في كلمـة الخبـل البليـد = واحرص على المركز رقم واحد قدم
اخوكم
عبدالله النفيعي