[خلف القثامي]

قصتي :


بعت سيارتي من نوع تايوتا على عزها قبل سنتين وحطيتها في الاسهم وعطاني واحد من اخواني سيارته

لانه مسافر لاسبانيا سياحه وموتره كابرس 92 صابونه والفرامل رايح فيها المهم اني خذيت السياره

ودخلت هاك الشارع وامشي على هوني (مخفف السرعه) واشوف الورع متردد يقطع الشارع والا مايقطعه

واكلم بالجوال واحد له مده ماسمعت صوته ولاخذيت علومه والله مابيني وبين الورع الا تقريبا مترين

تمسك والاماتمسك قدها وصلت وانا اصدمه وابوه يشوفه ويصيح عليه انتبه انتبه وقلبي يرتعش واقول الله يستر

والله من الحظ الاقشر ويقوم الورع ومافيه شي ويمد يده علي (يعني معليش )وسلمت على ابوه وتفاهم معي

وقال انا شفتك والولد مخطي ومعرض نفسه للموت المحقق بعد عطف الله وحفظه ورحت من الموقع

وانا اتحمد الله على الولد (كان الحادث في وقت اختبارات نهائيه) ولكن الكابرس له مواقف بطووووليه

اسعفت ناس على طريق الدمام السريع من حادث مروع وذلك بفزعه من سويلم العطاوي اخصائي اشعاعي

في التخصصي وعنده شهادات دوليه في الاسعافات الاوليه من استراليا وماقصر في انسانيته وواجبه الديني

والاسعاف ماجاء الا بعد ساعه وربع من وقت وقوع الحادث واذا صار لكم موقف اسعفوا الجريح والطريح

اعذروني على الاطاله والتفاصيل اللي معها وشكراااااااااا يالعازمي على الموضوع .