[السميــــــري]

المشاركة الأصلية كتبت بواسطة الازوري

إيـقـول مــن غـنـى حسنـيـات الاشـعـار=سـوّى علـى القيفـان قيفـان مــن نــور
ايـضــا وخــلاهــا صــواديــف مــحّــار=هــاثـــم ولــعــهــا زمــــــرّد وبـــلـــور
مـن حـرّ مـا بالقلـب مـن واهــج الـنـار=واعرف ترى المهموم لن بـات مقهـور
درت الفـكـايـر لــكــن الــبــال مـحـتــار=مـدري وش اللـي هـو مخطـط ومدبـور
ما غير أصـد الشـوف لا اشـوف عمّـار=ولا اشوف لا ناصر ولا اشوف منصور
وليـا دعونـي قـلـت مــا غـيـر مـشـوار=واخـاف يــدري بــي حبـيّـب ومسـتـور
وا مالـي اللـي كــان مـصـرور بـصـرار=ألـــم فـيــه ايـــام وسـنـيــن وشــهــور
يـا ليـن جـانـي مــال قـصّـاف الاعـمـار=عـســاه بالـخـيـرات مــاهــو بـمـذكــور
قـلـي تـبـا تسـمـع جـزيــلات الاشـــوار=عـن قالـت الرشـوه وعـن قالـت الـزور
عــلاك بالأسـهـم تــرى الـنـاس تـجــار=نـاصـر ولــد عـمـك نويـصـر بـنــا دور
واحـمـد شــرى فـلـه ويـجـرّ بـالأيـجـار=ومحـمـد الـلـي حاقريـنـه شــرى مـــور
اللـي غـدا نايـم صـحـى وايـقـظ الـجـار=واللي غـدا منسـي غـدا اليـوم مشهـور
اليـا دفعـت الفـيـن حــط اربــع اصـفـار=ولـيـاك عـقـب البـيـر مــاردك بـبـحـور
قلـت الدراهـم هـاك واعطـيـك الأســوار=ولـو تـتـرك المـوتـر لـنـا دون مـاطـور
ثـم بـعـت لــي نـاقـه وشاتـيـن وحــوار=وأم الـولـد جتـنـي بقـرطـاس مـصـرور
قــال اللجـيـن ان كــان ولـيـاك بـيـطـار=ولا علـى بيشـه يـجـي تــوت معـصـور
واخـذت فـي سابـك وطيبـه وف اعمـار=واحلـم تقـول انـي ملـك بـيـن جمـهـور
مـا غـيـر امــد الـشـوف والــد الانـظـار=والـلـي رصـيـده دون ملـيـون محـقـور
احلـم وابـا فـلـه وابــا جـيـب فـكـس ار=واقــول اببـنـي بـيـت مـتـعـدي الـطــور
وام العـيـال اتـقـول ان جـبـت الاسـعـار=رد الـذهـب وان زدت مـاهــو بـمـوفـور
لين الخميس اللي كشف خاف الاسـرار=اللـي جعـل قومـي بــلا حــس وشـعـور
الـسـوق جــا منـهـار والـنـاس تـنـهـار=يــــا كـثـرهــم للصـيـدلـيـات طــابـــور
وليـنـي الـلـي يـظـرب ايـمـيـن بـيـسـار=ولا حـزيـن ويـدخــل اشـبــور بـشـبـور
احــس فــي راســـي ثـلاثـيـن مـسـمـار=واحــس فــي قـلـبـي ثمـانـيـن خـابــور
مدري صغيـر وطحـت مـع عالـم اكبـار=ولا فـريـسـه حــولــت عــنــد هــامــور
احسـب مـا غيـر الحـرّ مخلـب ومنـقـار=واثــر وراه اطـيـور وطـيــور وطـيــور
قالـو تــرى الجـمـاز جـانـا ف الاخـبـار=لــكــن لا مـنـهــي ولا هــــو بـمـامــور
قـالـو تـعـذر قـلـت وش فــود الاعـــذار=قـالـو تشـكـر قـلــت مـاهــو بمـشـكـور
ثـم جيـت للشايـب وابعطيـه مــا صــار=شايب ولا يعرف عن السـوق خنصـور
قلـت الـدراهـم روحــت قــال يــا الـعـار=ولـيـا البـنـادق بـاقـي اشــوي وتـثــور
قـال الخصيـم وقلـت مــن وقــت غــدار=مـا واحـد(ن) غاصـب ولانـي بمجـبـور
قـــال الـولــد مـجـنـون ودوه لـشـهــار=ولا تـعـال اكـويـك لــن كـنـت مخـطـور
ولا عـطـولـه مـــن دوا جـــن الابــقــار=ولا جبـولـه شـيـخ لــن كــان مسـحـور
قلـت السموحـه قـال طيـر الضحـا طـار=قلـت المشـوره شـور يابـو علـى شـور
قـال انـت مـا تفـهـم ولا انـتـه بمـغـوار=يـا نعنبـو هـالـراس لــن جـبـت بـاكـور
يـــا كـــم اعـلــم فـيــك لـكـنـك احـمــار=هــي روح لــم الـحـب لا كــان مـنـثـور
يا هيه لن ضاقـت علـى اقروشـك الـدار=اعرف ترى ف الباب حصني ومسعـور
عـــان الـدراهــم للـفـتـى بـــن وبـهــار=لا تلحـقـه ضـيـمـه ولا يلـحـقـه جـــور
روح اشتـر ابقرتيـن واشتـر لـهـا ثــار=ثــم انتـبـه يــا ثــار لا ينـطـحـك ثـــور

الازوري .....
قصيدة اكثر اكثر اكثر اكثر من رااائعة ..
لا استطيع الا ان اقتبس كل بيااتهاا
تلااااااااااامس واقعهاا ..
ابياات تستحق كل الثنااء فيه من الطرافة والجزالة والحقيقه الواقعة ..
صح لسانك عدد بلامدد ..
تقبل اعجابي بهاا يالازوري ..
لاهنت يالغالي ..