[سعد بن مطلق المقاطي]

المشاركة الأصلية كتبت بواسطة سلطان ابراهيم

ياأخوي أشوف الصيف بانت مواريه =والناس قامت تختبط بالجوازات
قص التذاكروأكد الحجز ياهيه =اليامتى وحنانتابع عربسات
أحداًقعد في نجد والقيض يشويه =واحداًيزحلق بالثلوج الجميلات
أن كان تبغى الرأي في الرأي هاكيه =ولاني بجامل يازبون الونيات
نجد العذيه صيفهالاتخليه = عروان والاالنيروأطراف أبانات
وزيارة الأرحام مثلك نوصيه = مع عمرة للبيت فيها المسرات
عزك بداركل فرض تصليه =خمس الفروض موقته حسب الأوقات
دارتعز الدين وتعز أهاليه = وتعلم الجاهل دروب سنيعات
ولأمربالمعروف فينا يقديه = راعي بصيره عالمٍ بالروايات
مالك ومال اديارقومٍ مكاريه = دارالخناوالفسق مامنه خيرات
لاصرت لاتاجرومالك اتنميه = ولامبتعث تطلب علومٍ نفيعات
ولاداعياًمن ضل للحق تدعيه = متخصنٍ بالعلم ضدالشبوهات
مادام همك بس وقت تقضيه = بالله قلي وش تبا بالمتاهات
خلك بدارجدجدك نشأ فيه = على المذاهب والسلوم الشريفات
أخيرمن دارٍ كثيره بلاويه =أحذرتزوره ثم تجي بالكلبشات

هضيبان براهيم صح لسانك

التوقيع

ديــــــــــــــــواني