| هذه القصيدة قيلت في جولة الربيع في المنطقة الشمالية 1427هـ |
يـا زيـن شوف الحـيا بأطــراف سـامـــوده=و خـوة نـشــاما مـع الـطـرقـة يـسـلـوني
الـكــل مـنـهم عـريــب الـخــال وجــــدوده=مـــاهــم مـن اللـي مـن الخــوة يمـلـوني
الــــكــــل مـنهم بـذل جـهـده ومـجــهــوده=خـفـاف الأنـفس رجـال بـالـسـفر عـوني
عـلـومـهـم طــيـبـة بــالـخــيـر مــشـهــوده=لـــطــيـب الـقــول والأشـعـار يــرووني
فــي تـالـي الـلـيل تـلقـى الـنـار مـــوقــوده=والــبــرد مــا ردهــم لازم يــصــلــوني
مـا حـــد يـحــب الـمـنـام وكـثـرة رقـــوده=مـن لحــفـهم والـذرى عـجــل يـفــزوني
ســووا مـن الـبـن لـلـشـراب مــقــصـــوده=فـنـجـال عـن هـرجـة النـقـاد مضمـوني
أغــراضــنـا فـي عــزبـنـا دوم مــوجــوده=مـن الغـمارة الـيا الصـندوق مـشحــوني
يـا زيـن شوف الخــزامـى تـلـعــب وروده=يـفـوح عـطـره مع النـسـمات بـالـهـوني
مـعـه الـنـفــل واضـح لــونـه كـمل عــوده=مع كـل عـشبٍ فـرق بالشـكـل واللــوني
غـطـى نباتـه دمــاث الأرض و صـمــوده=ســجــادة صـاغـها مـن كــون الـكــوني
يـــا زيــن صـوت الـمـوّده لا نــهـــم ذوده=مـعـه أم سـالـم تـجـر الصوت بلـحــوني
الــرزق مـكـتـوب و الـلآجـال مـحــــدوده=بـسـج فـي الـبر مـع نــاس يــسـجـــوني
خـــص لـيـا صــّدق الــبـراق ورعـــــوده=أحـس نـفسي مـع أهـل المدن مسجـوني
هـذا هـوا الـنـفـس و الـشـطّات مـفــقـــوده=قـلـبـي مـع الــبر وأهـلـه دوم مـفـتــوني
وقــت سـعـيـد مــضـى بــأيــام مــعـــدوده=يـجـلا عـن الـنـفـس هـمٍ كـان مـدفــوني
| الشاعر/ فواد بن سعد بن خرصان الحافي العتيبي |