اليكم أعزائي هذه المتواضعه اتمنى
ان تنال ولو على الجزء اليسير من اعجابكم
ياهواجيس المعاني حضري جزل المعاني= وابحر بي في بحور الشعر والبال اطربنه
غربل العاشق هواه وطاري الذكرى حداني=للحنين لسيره بين الحنايا مستكنه
الظروف تحدني والوقت ماطاوع عصاني=وعزتي للي مقادير الليالي عاكسنه
ممتطي صهوه جواد الياس واسخط في زماني=والرجاء ماانقاد للي في زمانه خاب ظنه
كل ماودعت هم يزور قلبي هم ثاني =يامعين تعين قلبي بالضيوف اللي لفنه
وشلت من جور الزمن ماشالت ظهور السواني=اشهد أن الوضع مزري اشهد انه اشهد انه
ياعوض ياعز راسي كل ماوقتي حداني=ياحزام اللي لياله بالمصايب عذبنه
لي ثلاث شهور لازادي ولانومي هناني=ماجداي الا القصيد وكل حين اجر ونه
يوم ربي في محبه كامل الزين ابتلاني=جل رب صوره وابدع بتصويره وفنه
ماتغبط اريام والا باسكال المشعلاني=وغير ماربي حباه من الوصوف صغير سنه
فارع طوله وعوده مثل عود الخيزراني=يتهزع فيه خفه والردوف يثقلنه
عيفتني عيفتني عيفتني فالغواني=غيرها يبقى محرم عن عيوني ينظرنه
يعلم الله لن تطاول بالجفاء والا نساني=رحت مرواح الدجيما فالهوى والموت سنه