أنا قلبي عليــــــه الهم لاطي
وصواب الحب فقصا القلب صاطي
تمكن حب خلي في ضميري
وفتق فالجوف فتقآ مايخاطي
ولابينـــــــــت مابي لين حبه
بشع القلب وأحدث به نفاطي
شعاني جادلآ لاعـــاد عرفه
سقط حبه على قلبي سقاطي
خياله مايفارق عن عيوني
على طول المغيبه والتباطي
وأنا لولا الحيى ناديت بسمه
بوسط الماقفه كني شراطي
ومن جاني يقول انته علامك
أقول افزع ترا كثر اخطباطي
ترا الفزعه لها فالطيب ساعه
لو البارود غادن له اشياطي
أنا محتاجكم ياهل الحميا
على وضحى النقا عن كل خاطي
تراني ماتذوق النوم عيني
لين الصبح يبداله اشعاطي
ليامن المعافا طاب نومه
لذيذ النوم في عيني صماطي
اصارع هاجسي ماعندي الا
ثلاث ادلال يشدن البطاطي
مدابيحن على جال المناره
وخنين الهيل داخلهن ايعاطي
ثلاثآ ثالثتن دون منهن
صهاتآ كنها غرنوق شاطي
انا يصلاني الهاجس علاها
وهي تصلا على جمر الاراطي
صلاها قهوجين ماتوانا
يساهرها ليانام السباطي
ولامن حكم الفنجال منها
تجلا خاطري بالانبساطي
وخليت القلم يزعج مداده
على صفحات الاوراق المشاطي
اهازيجن تونس من قراها
من الاثمار القطهن لقاطي
اقطف مازهالي من ثمرهن
واخلي مايطيح من السقاطي
وعسى من يلحق العاشق ملامه
من اللي صابني ياطاه واطي
على شان يعرف قدر المحبه
ولاعاد ايتمادا فالغلاطي
وعساه ان ماعذر عقب التجارب
يصيبه فالجسد حمى ارهاطي
الشاعر
عبد اللَه بن نايف بن عون العتيبي