الشاعر مقعد الدغيلبي
يامرحبا في حلة العز والطيب=حلة عتيبه والنجوم المطله
تعال ياعيظه وهات المكاتيب=ومن معه عين وقلب دربه يدله
الشاعر عيضه الثبيتي
دام البقاء ياربعنا أهل التراحيب=عداد وبل المزنه المستهلّه
النا على الطيّب حقوق ومواجيب=واله علينا أنا نشرّف محلّه
الشاعر مقعد الدغيلبي
ماحاصل(ن) قاصر ولابه عذاريب=اقلط وتلقى عود(ن)ازرق ودله
لاضاعت الفكره وحلو الاساليب=حنا عتيبه دولةٍ مستقله
الشاعر عيضه الثبيتي
ماعندنا شِكه ولا عندنا ريب=وأنتم وحنّا بخير والحمدلِله
وفي نجد نسمع عن علوم وهناديب=وانته مراسل عطني العلم كله
مقعد الدغيلبي
الذيب يبدي في علو المراقيب=ماداخل(ن) قلبه مهابه وذله
لاتستمع في هرج حاسد وكذيب=الصف واحد والسعد مقبلله
عيضه الثبيتي
انا لقيت الذيب مايقبل الذيب=وانيابها تفجع سواة الأخلّه!!
والصوره اللي فالخلا جعلها تغيب=قدام تنشر في غلاف المجله!!
مقعد العدغيلبي
ياعيظه الدنياء دروس وتجاريب=بالنادره كل(ن) يعطر سجله
سيف الهلالي غير شلفاء تراحيب=لااستفلح الميقاف وازتاد غله
الله عليك يابو فيصل
....
عيضه الثبيتي
حنّا قضاة الحق وقت المطاليـب=واليا انعقد حبل المطيه نحلّـه!!
واليا اختلفتوا عند عوج العراقيب =بالوسم والشاهد نجيب الأدلـه!!
ابداع ابداع ياعيضه ...
.. ماشاء الله على تفاعل الجمهور وتواجدهم
هذا وحنا ماسوينا اعلانات ورسايل ...
سنايدي ياعتابه