ابو نجر النفيعي
ياليل ياليـل ياليـل العجايـب كـل ليـلٍ ويـوم=آنا اتعجّب مـن ليـالٍ عجيبـه شكلهـا ولونهـا
يا سعود انا شفت في كتفك على البدله ثلاثة نجوم=وتوازن الصوره القشرا تبـا السيّـات بركونهـا
سعود العصيمي
ياليل ياليل ياليل السعد ياصلـك رد العلـوم=ياللي تعجب من ايامك ترا أيامك على كونها
مايلبس البدله أم نجوم غير اللي يسد اللزوم=واللي نباها نجيها لو قطع الروس من دونها
ابو نجر النفيعي
ان كان عديتها يم الوحل . عدّيتهـا للرجـوم=يا كيف يا صاحبي للمسلين اليوم ترضونهـا
بعض الرياجيل شخصيّه وتطلع بالنهايه رخوم=وبعض الاصابع تسد اعيون قومٍ مكبر اعيونها
سعود العصيمي
أنا ليا قمت حظي يالنفيعي مع مقامي يقوم=وانت ماتقدر تشب النار لام اقرين وقرونها
انته تعاين عباد الله بطبعك في براد وسموم=لكن أبا اقراعلى روحك يالين اطلع جنونها
ابو نجر النفيعي
أشب ناري على العدوان وافزع مع جميع القروم=وافزع مع المسلمين اللي لهم حاجات يقضونهـا
انا ليا قمت قسمي يابن عاصم من خيار القسوم=مار البلا في عليماتٍ عـن العربـان تخفونهـا
سعود العصيمي
علم الوفاء ياصحيبي من مشابه محد يلحقه لوم=وانته تفتش بضايع ناس محفوظـه بكرتونهـا
ياصاحبي مانسبك مار في بعض الغبب لاتعـوم=وعلومنا وافيه والرجل نحرفها علـى هونهـا
ابو نجر النفيعي
ان كانك انته وفي يا صاحبي نظرتك لاهل السلوم=خذ راحتك مـار رجلـك لاتـزل ولا تسرّونهـا
نبا نشد الدير يا صاحبي من بعد كشْف الهـدوم=ما عاد لي حاجةٍ في ديـرةٍ حققـت مضمونهـا
سعود العصيمي
انكان داخلك في شك روح انشد صقور(ن) تحوم=يعلمونك وتلقـى العلـم والحجـه ومضمونهـا
ياوين تتروح قبل تروح خشمك لايروح معـروم=ارتاح فالشجره اللي ظلها من جـودة غصونهـا
ابو نجر النفيعي
اكسر وجبّر وحسّب فالعدد والله عزيزٍ رحوم=ياليت بدّات عاصم يا عرب ترمي تلفزونهـا
خشمي رفيعٍ ولا ياصله يا رجّال رجل امحروم=ياللي تريد المواري والمواري صعب يعطونها
سعود العصيمي
الحمد لله تراناماعلينـا يالعتيبـي همـوم=المشكله عانها ياصاحبي بهذيل ولحونهـا
والله ماناخذ بمد الكف ناخذها بفعل امحسوم=واللي يخذها بمد الكف بالله وش تسمونها
ابو نجر النفيعي
المشكله في سبيع اللي تشوف الشين وتقول دوم=والاّ من ابراج مملكةٍ تشوف اللـي تغنّونهـا !!
للحين ما من فعل يا صاحبي ومغار هرجٍ ونـوم=والاّ النفيعي خذا رمز الشجاعه كان تبغونهـا !!
سعود العصيمي
سبيع قوم(ن) لظيه فالمواقف فـي دفـاع وهجـوم=واعضاهم انى شنب يكسر على قلتـك حاجونهـا
افعولنا ضرب سيف وزرق رمح ونفذ روس الكموم=وانته كما التمره اللـي فالليالـي مـال عرجونهـا
ابو نجر النفيعي
لاكن حنّا عتيبه خير منها يا فتـى ع. العمـوم=وانته عديم الحميّه والكسر فيكم وفمتونهـا !!
ما غار حنّا وحنّا يا عرب والفعل صار امعـدوم=يا كيف تلعب على نفسك وحبّك دار طاحونها !!
سعود العصيمي
خلك بظلي ليالاحت على راسـك بـروق الغيـوم=ياللي تعرف الحمايـا راجـع الصفحـة وتلقونهـا
العب عليك انت واللي مثلك انت من الرجال مخزوم=وشهي فعولك يابونجر النفيعـي يـوم تطرونهـا
ابو نجر النفيعي
وخّلك معي دامك اليومه على الثنتين منت امحكوم=وحموتك ع. الجاهليّه والاّ انا بالديـن وركونهـا
انته تحلّم ولا ذابحك يـا رجّـال غـار الحلـوم=وافعولي اني بديت استاق ريمـانٍ ولا اخونهـا
سعود العصيمي
الصقر يكفخ جناحه فوق ماخاوى مع الوقت بوم=اظبط معانيك بقعـا لاتحطـك داخـل اردونهـا
استاق ريمان مع تال العرب واركع لربك وصوم=لاتلحق العامريه عشق وانتـه منـت مجنوهـا