[متعب العصيمي]

ماطلبت شي

قالو تعلمت قلت اعنـــاد ودراسه 0000 اعنــــاد النفس والدنيا اصارعهـــا

ودرست في مدرسه من شبه راسه 000 دنيا العنا اللي قصيفات مطامعهــا

تلميذها دايـــم تكتـــب بقرطاسـه 0000 وتعطيه جمله دروس مايضيعهـــــا

والله عطانا نظر وشعور واحساسه 000 ناخذ علوم المعرفه من مراجعها

ونساير الوقت ونقيسه بقياســه 0000 ونراجع النفس بالواقع ونقنعهــــا

وترى حياة الفتى مهما قوى باسه 000 محفوفه بالخطر والموت تابعهــا

من مبتدا العمر حتى يلفظ انفاسه 000 يمر في مرحله تكثر زوابعهــــــــا

اول حياه الفتى مشوار واعساسه 000 مسافه في عجاج العمر يقطعهــــا

وثاني حياه الفتى تدريب ودراســه 000 تصعب ضروف الحياه وينشغل معها

وثالث حياة الفتى يرجع على ساسه 00 النقطه اللي بدا منهــا يراجعهـــا

يرجع لسن الهرم ويضيع الطاسـه 00ويزحف مع الارض ويخبط شوارعها

والي تلاقت متونه وارتخى راسه 000 ضاعت جميع العلوم اللي يجمعها


والشاعر رشيد الزلامي نزله شريط كامل له أسمه عيون الشعراء وفيه القصيده بصوته
موودتي