بسم الله الرحمن الرحيم
السلام عليكم ورحمة الله وبركاته وبعد=
اخوي الغيث العتيبي مساك الله بالخير ولاهنت على الموضوع الطيب اللي بين لنا تاريخ قبيله الجعده من
عتيبه وحنا منا بجاهلين فيهم ربعنا ونعرفهم ونعم فيهم0
لكن انا عندي تعقيب على ما اوردته انت واخونا فارس الضحيا في نسب برقا من عتيبه
واللي سمعته من الشيبان غير ماكنتم تقولونه لان منصور الابرق ابن عامر ابن بكرابن هوازن جاب خمسه عيال
وهم العصمه(عاصم) والدعاجين(مفلح) والشيابين(مشيب)والدغالبه والقثمه0
لكن عامر ابو منصور جاب ناصر وصرير ناصر جاب المقطه والروسان وبني سعد(وقدان وخديد والجعده وغيرهم)
وصرير اخر الثبته والنفعه مع العلم ان ناصر جدهم كانوا يطلقون عليه صرير وقيل ان عتيبه جد العتبان
كلهم كانوا يطلقون عليه اللقب هذا 0
وهذا التقسيم سمعته من شيبان كبار وعواريف 0
والله اعلم‘‘‘‘‘ اخوكم ساري