بسم الله الرحمن الرحيم
اضع بين ايديكم هذه المتواضعة املا ان تنال استحسانكم وهذه اول مشاركة لي عندكم في هذا المنتدى المبارك
يامن تبليتني بالحب باسبابـك=قررت قلبي يروح لسجن الاحزاني
وانته تعيش الهنا وأنا على بابـك=عيني تشوح النظر والقلب ولهاني
ياقلبي ليه العنا تلعب على احبابك=غارق في بحرك وطوفانك تغشاني
حبك تملكني بحضورك وبغيابك=دامك تعذبني بنظرات الاعــــياني
يا حب هذي عقوبة من تقدّا بك=يبقى وحيدن وحاله دوم شــــقياني
واليوم حالك تغير جاك خطّابك=منّي لك العهد ما عادك بتلقاني
ياقلبي عود وعالج كل ماصابك=واقعد في سجنك تجر الصوت شفقاني
وسلامتكم