= الزلامي بسم الله الرحمن الرحيم
=اعزائي اعضاء منتدى الهيلا السلام عليكم ورحمة الله وبركاته ..
=هذه واحد من اجمل قصايد الشاعر (( رشيد الزلامي )) حفظه الله ..
=وهي قصيدة يا هن ابن هن على العموم ما اطول نشوف القصيده ..
= يا هن ابن هن
=ياهـن ابـن هـن مــاوالله ارداك
= ومااردى نصيب اللي يسوي سواتـك
=ومااردى نصيب اللي من البعد ينصاك
=يبا العشا ويشوف بعـض احركاتـك
=تحلق الشـارب مـن الديـن يـاذاك
=ودك تخـدع المومنيـن بصـلاتـك
=لكـن وش تكسـب بدينـك ودنيـاك
=لا صار ترك الواجبه مـن صفاتـك
=لا صار ضيـف الله تلقيـه علبـاك
=باقي علومـك خشهـا فـي عباتـك
=الجـود مافقّـرك والبخـل مااغنـاك
=ولا تحسب انك مت من موت شاتـك
=الخاتمه مـن يـوم هـاذي سوايـاك
=بالله لا تعـطـي عتـابـه بنـاتـك
=تكثر بنا الرديـان مثلـك وشـرواك
=وتـروح تشمتنـا الرجـال بشماتـك